BREAKING NEWS

Gati të fundoset grupi organizator i biznesit të armëve në Gërdec, prokurorët pritet të marrin në duar faktet nga Drejtësia Amerikane, nisen letër-porositë në SHBA, informacione do të merren edhe për Patrick Henryn, ja lidhja e tij me Delijorgjin dhe S...

Gati të fundoset grupi organizator i biznesit të armëve në
x
BREAKING NEWS

Daut Gumeni: Ja pse socialistët dhe Gentiana Sula bllokuan hapjen e dosjes së spiunit të Ilir Metajt, presim që ‘shiringa me ujë deti’ që u injektoi zyrtari i lartë i DASH prokurorëve të SPAK të sjellë arrestimin e ‘peshave të rënda’

Daut Gumeni: Ja pse socialistët dhe Gentiana Sula bllokuan hapjen e dosjes
x
BREAKING NEWS

Plas skandali, Kuvendi i Shqipërisë vihet nën akuzë për votimin pa kuorum të ligjit për Investimet Strategjike, ja si u shkallmua Kushtetuta nga mazhoranca, zbardhet mashtrimi

Plas skandali, Kuvendi i Shqipërisë vihet nën akuzë për
x
BREAKING NEWS

Pasuria e dyshimtë e “sheikut” të Kuvendit Laert Duraj që sfidon “ujqërit” e vjetër në politikë, banesë 200 mijë euro, 11 llogari bankare, fitime marramendëse nga qeratë, 180 mijë euro shitje pasurish, si i ka justifikuar milionat nga puna si emigrant,...

Pasuria e dyshimtë e “sheikut” të Kuvendit Laert Duraj
x
BREAKING NEWS

Ja pazaret e PS dhe Rithemelimit, si po mbrojnë korrupsionin e Klodian Allajbeut dhe Vilma Nushit, vjedhjet me “Hemodializën”, “Check Up”-in, “Laboratorët” dhe “Sterilizimin” janë të faktuara, priten arrestimet nga SPAK

Ja pazaret e PS dhe Rithemelimit, si po mbrojnë korrupsionin e Klodian
x
BREAKING NEWS

Rama-Berisha ngrenë komision për të shkatërruar SPAK dhe Reformën në Drejtësi, ja pazaret e reja të “non-gratës” me kryeministrin për të bllokuar arrestimet

Rama-Berisha ngrenë komision për të shkatërruar SPAK dhe
x
BREAKING NEWS

Plas skandali i Portit të Vlorës, ja si iu falën Samir Manes 57 mijë metra katror tokë, të implikuar 2 ministra, SPAK merr në dorëzim padinë për megaoligarkun e qeverisë

Plas skandali i Portit të Vlorës, ja si iu falën Samir Manes 57
x
BREAKING NEWS

Gazetarja e njohur paralajmëron arrestime të bujshme në ditët në vijim, ja disa nga dosjet “përvëluese” që po heton SPAK dhe skema që ndoqën agjentët e BKH për të arrestuar Jorgo Goron, kryebashkiaku në detyrë i Himarës u përgjua 4 muaj rresht me metod...

Gazetarja e njohur paralajmëron arrestime të bujshme në
x

Politike

Komisioni i Venecias rrëzon alibitë e Bashës dhe Kryemadhit: Vetingu në politikë i pakuptimtë, garantohet nga SPAK dhe BKH

Komisioni i Venecias rrëzon alibitë e Bashës dhe Kryemadhit:

Komisioni i Venecias ka hedhur poshtë të gjitha alibitë e opozitës sa i takon vetingut në politikë. Gazeta ka siguruar opinionin paraprak që ka mbërritur në Kuvend, ku jepen mendimet mbi nismën e ndërmarrë nga Partia Demokratike dhe lëvizja Socialiste për Integrim. Komisioni i Venecias ka dalë kategorikisht kundër ndërhyrjeve në Kushtetutë, ndërsa ka nxjerrë një mal me defekte në propozimin e opozitës. Basha e Kryemadhi kanë si alibi të bojkotit parlamentar vetingun në politikë. Në propozimin e tyre kërkohet që të largohen nga postet publike individët që kanë kontakte me botën e krimit. Por për Këshillin e Europës, drafti nuk është aspak i qartë. Në draftin me 99 pika, fillimisht bëhet e qartë se një masë kaq e ashpër shkel të drejtat e njeriut dhe bie ndesh me shumë konventa. Por problemi më i madh që kanë nxjerrë ekspertët është se dhe vetë opozita nuk është e qartë se çfarë nënkupton me termin: “kontakte me botën e krimit”. “Në mungesë të përcaktimeve të sakta, kriteri i integritetit në lidhje me “kontaktet” me krimin e organizuar ka mungesë qartësie dhe sigurie ligjore, e rrjedhimisht mban rrezikun e interpretimeve abuzive dhe arbitrare. Siç u theksua, kontaktet me persona të përfshirë në krim të organizuar mund të jenë të ndryshme dhe jo gjithmonë ilegale. Fqinjët apo shokët e vjetër të klasës, të personave me precedentë nuk mund të quhen “kontakte” të tyre. Edhe gjykatësit e prokurorët mund të kenë kontakte të tilla. Një person i lidhur me krimin e organizuar duhet të hetohet për shkelje si krim i organizuar, korrupsion, përvetësim dhe abuzim me postin dhe nëse shpallet fajtor nuk mund të kandidojë në zgjedhjet e ardhshme. Por kur vetë kontakte të tilla përbëjnë një krim sipas ligjit aktual shqiptar, ata vihen nën analizën e ligjit të dekriminalizimit”, thuhet në draft.

Mungesa e afateve

Një tjetër shqetësim që ngre Komisioni i Venecias është se në draft nuk janë përcaktuar afate. Në ligjin e dekriminalizimit është përcaktuar qartë se për sa vite një person nuk ka të drejtë të marrë poste publike. Por sipas ekspertëve të KiE, një përcaktim i tillë duhet dhe në këtë rast. Sipas tyre, askush nuk mund të përjashtohet përjetësisht nga e drejta për t’u zgjedhur. “Nga nenet e propozuara nuk kuptohet nëse skualifikimi është për gjithë jetën apo për një periudhë të caktuar. Komisioni i Venecias ka thënë se kufizimet e përjetshme duhet të jepen vetëm për krime serioze si kundër njerëzimit, gjenocid, terrorizëm, vrasje dhe jo për krimet zgjedhore e politike si korrupsion e krime elektorale. Mungesa e treguesve për çështje të tilla të rëndësishme nuk është në linjë me kufizimet e lejuara që preken nga veting”, thuhet në raport.

Reforma në drejtësi

Ekspertët e Komisionit të Venecias e kanë bërë të qartë se nuk mund të kemi veting si në drejtësi, ashtu dhe në politikë. Sipas tyre, çështjet janë të ndryshme dhe duan përcaktime të ndryshme. Nga ana tjetër është bërë e qartë se Shqipëria i ka mundësitë për të bërë veting politik. Kjo bëhet përmes ligjit të dekriminalizimit dhe reformës në drejtësi. “Pa vënë në dyshim qëllimin legjitim të spastrimit të klasës politike shqiptare, komisioni thekson se amendamentet nuk plotësojnë vakuumin ligjor. Kushtetuta shqiptare është amenduar në disa pjesë për të krijuar terren më të mirë për luftën ndaj korrupsionit, jo vetëm në fushën e gjyqësorit, por dhe në lidhje me qytetarët e politikanët (Nenet 6/1, 45(3) dhe Neni 179/a i Kushtetutës). Ligji i dekriminalizimit u miratua me qëllim rritjen e besimit të publikut te institucionet, si një vazhdim i Nenit 6/1, duke ngritur lart kriterin e integritetit për të zgjedhurit publikë. Po ashtu janë miratuar një seri ligjesh të tjera për zyrtarët e emëruar ose të zgjedhur. Ndërsa si pjesë e reformës në drejtësi janë krijuar institucione të reja (ende jo funksionale) Prokuroria Speciale për krimin dhe korrupsionin dhe Byroja e Hetimit”, thekson raporti.

Bien alibitë e opozitës

Gjatë një takimi në Elbasan, Lulzim Basha befas propozoi se duhet të ketë veting në politikë. Por për 2-3 ditë, PD doli me një propozim shumë të vakët. Ata kërkuan që vetingu të përqendrohet te kontaktet me krimin. Po ashtu mbetën jashtë pasuria dhe familjarët. I gjithë ky propozim u pa si strategji e tyre për të shmangur reformën në drejtësi. SPAK dhe Byroja e Hetimit do kalojnë në skaner të gjithë pushtetarët dhe kush ka bërë afera do mbajë dhe përgjegjësi penale. Por edhe pse mazhoranca e ka bërë të qartë se nuk e pranon një draft të tillë, PD e LSI janë sot jashtë Parlamentit me argumentin se duhet veting në politikë. Tani alibitë e tyre ranë poshtë dhe mbetet të shihet se çfarë do bëhet. Drafti në fjalë pritet që javën që vjen të miratohet në mbledhjen e komisionit dhe pastaj mazhoranca do të vendosë nëse do e pranojë apo jo këtë propozim. Por dje janë dhënë sinjale të qarta se brenda këtij sesioni parlamentar kjo nismë do të rrëzohet.

Kliti Topalli 

Më të lexuarat