Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Kriza politike në Shqipëri/ Basha darkon me përfaqësuesit e Dhomës së Lordëve, zbardhen propozimet e liderit të PD-së

Postuar: 19/05/2019 - 13:24

Në mbyllje te vizitës së tij në Parlamentin Britanik dhe Dhomën e Lordëve, lideri i opozitës Basha ishte i ftuar i nderit në një darkë pune me anëtarë të parlamentit dhe Dhomës së Lordëve në Londër. Mes pjesëmarrësve në këtë darkë pune ishte Lordi George Robertson, ish-Sekretar i Përgjithshëm i NATO-s dhe anëtar i Dhomës së Lordëve. Në qendër të diskutimeve ishte siguria dhe stabiliteti në Europën Juglindore dhe kriza politike në Shqipëri.

Në fjalën e tij gjatë darkës, kryetari i opozitës shprehu mirënjohjen për ndihmën e çmuar të Britanisë së Madhe për kapërcimin me sukses të sfidave jetike për paqen dhe stabilitetin në Ballkan, në veçanti, në luftën e Kosovës dhe procesin e pavarësimit të saj, në konfliktin e armatosur në Maqedoni e Marrëveshjen e Ohrit dhe, së fundmi, Marrëveshja e Prespës që shërben për të konsoliduar perspektivën afatgjatë euroatlantike të rajonit, duke garantuar anëtarësimin e saj në NATO.

Lideri i opozitës i njohu bashkëbiseduesit me propozimet e PD dhe opozitës së bashkuar për daljen nga kriza përmes një procesi të lirë zgjedhor nën kujdesin e një qeverie tranzitore, e cila do t’i çlirojë duart drejtësisë për t’i dhënë fund pandëshkueshmërisë së politikanëve të kapur në bashkëpunim me krimin për vjedhjen e zgjedhjeve dhe do të përmbushë të gjitha parakushtet e ngarkuara me ligj për të gararantuar votën e lirë.

“Vetëm një qeveri e dalë nga vota e lirë mund të luftojë krimin e organizuar që e ka shndërruar Shqipërinë, sipas raportit të Departamentit amerikan të Shtetit, në një bazë operacionale të rrjeteve kriminale, që veprojnë nga Amerika në Europë dhe Lindjen e Mesme,-nënvizoi kryetari i opozitës..

 

 

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 20/06/2019 - 15:58

Ministrja e Punëve të Jashtme të Bullgarisë, Ekaterina Zaharieva, theksoi se brenda tetorit do të ketë një vendim për fillimin e negociatave të anëtarësimin në Bashkimin Europian të Shqipërisë dhe Maqedonisë së Veriut

Postuar: 20/06/2019 - 15:43

Kryedemokrati, Lulzim Basha doli në një konferencë për shtyp gjatë së cilës kërkoi ndëshkimin një

Postuar: 20/06/2019 - 15:38

Ministrja e Shtetit për marrëdhëniet me parlamentin Elisa Spiropali i është përgjigjur përmes pos

Postuar: 20/06/2019 - 15:27

"Në Shqipëri janë vjedhur të gjitha zgjedhjet që ka zhvilluar Edi Rama.

Postuar: 20/06/2019 - 15:19

Kreu i Grupit Parlamentar të PS-së Taulant Balla foli nga foltorja e Kuvendit për përgjimet e pub

Postuar: 20/06/2019 - 15:04

Lideri i opozitës Lulzim Basha do të dalë mesditën e sotme në një konferencë të jashtëzakonshme p