Kryeministri Rama gjen videon e Lulzim Bashës, nuk përmbahet nga të qeshurat: Artiste!

Tiktok është një nga rrjetet sociale që është përhapur ditëve të fundit shumë jo vetëm në botë, por edhe në Shqipëri në këto kohë karantine.

Pjesë e tyre që preferon këtë rrjet social është edhe kryeministri Edi Rama. Kreu i qeverisë ka publikuar një video të shkurtër, në qëndër të së cilit është pa dyshim kryedemokrati Lulzim Basha. 

Një vajza ka postuar një video, ku ka montuar zërin e Bashës tek figura e saj teksa thotë lapsusin e tij në Kuvend me llogaritjen: “Për 7 vjet, nga 7 milionë dollarë, 7 x 7 janë 42 milionë. 49 më falni. Qeshni, qeshni! U shkritë ju, u shkritë, se për ju janë patate këto”.

Mesa duket videoja ka bërë edhe Ramën të qeshë, aq saqë se ka mbajtur dot për vete dhe e ka shpërndarë. “Artiste,”-shkruan Rama dhe e shoqëron me një emoji që qesh me lot.