Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Kryetarja e Gjykatës së Gjirokastrës “ngec” në rrjetën e vetingut, KPK e shkarkon për mosjustifikim të pasurisë

Postuar: 16/04/2019 - 07:46

Komisioni i Pavarur i Kualifikimit vijon të pastrojë sistemin e drejtësisë, teksa ditën e djeshme në rrjetën e tij ka ngecur një tjetër gjyqtar. Bëhet fjalë për kryetaren Gjykatës së Gjirokastrës, Albina Spaha, e cila u shkarkua ditën e djeshme nga KPK. Ky i fundit e gjeti, zonjën Spaha, gjatë hetimit administrativ me probleme në kriterin e pasurisë. Kështu, trupa gjykuese e përbërë nga Xhensila Pine kryesuese, Genta Tafa (Bungo) anëtare dhe Pamela Qirko relatore, vendosi në favor të shkarkimit, pasi e hetoi gjyqtaren Spaha në të tre kriteret, sikundër është ai profesional, pasuror dhe figurës. Gjatë seancës dëgjimore, Spaha u përball me një sërë dyshimesh mbi burimin e ligjshëm të pasurive të saj.

Sipas relatores, ajo nuk kishte burime të ligjshme për të justifikuar blerjen e një apartamenti në Tiranë dhe kursimet ndër vite. Komisioni i Pavarur i Kualifikimit, po ashtu gjeti disa shuma në llogari bankare, që sipas, relatores nuk ishin deklaruar dhe nga analiza financiare rezultoi një bilanc negativ prej 6.3 milionë lekësh. Nga ana e saj, gjyqtarja Spaha u mbrojt duke pranuar si pakujdesi mosdeklarimet. Po ashtu, ajo kërkoi që të përfshiheshin në analizë të ardhurat e bashkëshortit, sipas asaj, që ajo kishte deklaruar. Në këtë pikë, Spaha u duk se ishte në një situatë të ngjashme me magjistratë të tjerë dhe ngjashëm ajo fajësoi kompanitë e ndërtimit që kishin punësuar të shoqin që nuk kishin paguar sigurime dhe tatime për rroga të plota. Ndërkohë, gjatë seancës dëgjimore u vu në dukje se ajo nuk kishte probleme në kriterin e figurës dhe u vlerësua pozitivisht në kriterin e profesionalizmit. KPK nuk u shpreh për 5 denoncime që kishte marrë por theksoi se do i shpjegonte në vendim. Kujtojmë që ish-kryetarja kryetarja e Gjykatës së Gjirokastrës, Albina Spaha e ka nisur karrierën e saj në sistemin gjyqësor në vitin 1998. Në krye të herës, Spahaj ka punuar si gjyqtare në Gjykatën e Tepelenës, ndërsa në vitin 2008 është emëruar në Gjykatën e Rrethit Gjyqësor të Gjirokastrës, post në të cilin ka shërbyer deri në momentin e shkarkimit. Spahaj erdhi në këtë detyrë pas pezullimit të kryetarit të mëparshëm, Guximtar Boçit, i cili u akuzua për një skandal seksual. Pas hetimeve, Boçi rezultoi të ishte i pafajshëm.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 15/06/2019 - 22:10

 Pas përplasjeve dhe konfrontimeve që pati me nëndrejtorin e Policisë së Shtetit, Gjovalin Loka teksa së bashku me militantë të PD-së dhe LSI-së tentuan të bllokojnë kalimin e eskortës së kreut të qeverisë Rama n

Postuar: 15/06/2019 - 21:55

Kryeministri Rama nuk ka lënë pa ironizuar kundërshtarët e tij politik, nga Monika Kryemadhi e Lu

Postuar: 15/06/2019 - 21:35

 Kryeministri Edi Rama ka zbuluar një incident që ka ndodhur në vitin 2011 kur për bashkinë

Postuar: 15/06/2019 - 21:19

 Kryetarja e LSI, Monika Kryemadhi ka reaguar pas ironisë së Kryeministrit Rama, i cili

Postuar: 15/06/2019 - 21:09

Kreu i PD Lulzim Basha përmes një statusi në “facebook” shkruan se data 30 qershor ës

Postuar: 15/06/2019 - 21:00

Kreyministri Rama ka komentuar nga Korça marrëveshjen e 17 majit të dy viteve më parë me kryedemo

Postuar: 15/06/2019 - 20:45

 Kryeministri Edi Rama po zhvillon në këto momente një takim me qytetarët e Korçës për të pr