Kulluri i ashpër me ithtarët e “Foltores”: Figura pa karakter, përfunduan duke i mbushur ujin Berishës, ja pse PD do shpërbëhet

Ish-anëtari i Këshillit Kombëtar të PD-së, Edvin Kulluri tha se përgjigja negative e Bashkimit Europian kundrejt Shqipërisë dhe Maqedonisë së Veriut shton rreziqet për të tensionuar Ballkanin. Teksa ishte i ftuar në një studio televizive Kullurin theksoi se fakti që BE nuk e ka forcën për të detyruar Bullgarinë që të heq voton ndaj 2 vendeve anëtare të NATO-së, është një tregues i rëndësishëm, që tregon fuqinë e saj, e aq më tepër që ky refuzim vjen në një kohë lufte. “BE nuk e ka forcën të detyrojë Bullgarinë, se po të ndodhte para 1 apo 2 viti , por në momentin që jemi në luftë dhe Rusia po bën të pamundur për të destabilizuar Ballkanin dhe këtu çështja e integrimit është shumë më me rendësi. Rreziqet që vijnë prej shtyrjes së negociatave është një situatë prag rreziku për të tensionuar Ballkanit, se maqedonasit, kosovarët dhe shqiptarë janë të zhgënjyer disa herë”, deklaroi ai. Duke lënë pas zhvillimet në Bruksel, e për t’u ndalur te zhvillimet brenda partisë më të madhe opozitare në vend, PD-së, Kulluri thotë se ndihet i keqardhur që kësaj partie po i vjen fundi. Më të keqe e vlerëson hipokrizinë mes radhëve të demokratëve. "Po shkojmë drejt shpërbërjes, nuk ka më njerëz për ta bërë atë opozitë, tjetër gjë diskutojnë privatisht, të ulem në kafe me ata të ‘Foltores’ të gjithë janë dakord me mua, kur shkojnë në mbledhje i thurin lavde Berishës, i cili duhet thënë e ka mbyllur ciklin e tij”, u shpreh ai. Për Bashën, pyetjes nëse ai po tenton të hap një parti të re, Kulluri zgjodhi që t’i përgjigjej shumë shkurt. “Ca partie, Partia e Dështakëve të pashpresë, njëri pa vlerë politikisht”, tha ai. Për Edvin Kullurin, personat anëtarë të këtij grupimi u treguan të dobët dhe pakarakter, duke përfunduar në shërbim të Sali Berishës. “Shkuan të kapnin një karrige, apo t’i mbushin ujin, kjo tregon që nuk politikan, jam treguar ta mbaj të unifikuar, por treguan të dobët, u dorëzuan te Berisha, shkatërruan reputacionin dhe punën e të gjithëve, ai grupim u shpërbë dhe asnjëri nuk ofron zgjidhje, ne ishim e vetmja mundësi për ta ringritur PD-në”, nënvizoi Kulluri.