BREAKING NEWS

Maskat grabisin argjendarinë e kunatit të Bashkim Finos, reagon Policia

Maskat grabisin argjendarinë e kunatit të Bashkim Finos, reagon
x

Politike

“Ky është rasti i dytë pas Erdogan-it”, reagon përsëri Malaj dhe zbulon çfarë fshihet pas sms-ve të Ballës: Erdhën pas mospranimit të ...

“Ky është rasti i dytë pas Erdogan-it”, reagon

Anëtari i Këshillit Mbikëqyrës i Bankës së Shqipërisë, Arben Malaj, e cilësoi politike kërkesën për shkarkim nga një grup deputetësh socialistë. Malaj thotë se pas shkarkimit nga Presidenti turk Erdogan të Guvernatorit të Bankës së Turqisë, “ky mund të jetë rasti i dytë që maxhorancat e gjithëpushtetshme shkarkojnë një anëtar Bordi të Bankës Qendrore”.

“Fakti që pas shkarkimit nga Erdogan të Guvernatorit të Bankës së Turqisë, ky mund të jetë rast i dytë që maxhorancat e gjithëpushtetshme shkarkojnë një anëtar Bordi të Bankës Qendrore”, thuhet në një reagim të Malajt në “Facebook”.

Ai foli për kërcënime dhe ndërhyrje politike nga ana e maxhorancës për vendimmarrjet në Këshillin Mbikëqyrës të Bankës. “Kërcënimet paralajmëruese m’i ka dërguar Taulant Balla pas mospranimit të ndërhyrjes së tij edhe me SMS, me rekomandime partiake në proceset e përzgjedhjes në Bordin e Bankës së Shqipërisë.

Shqetësimi është i protokolluar në mbledhjen e Bordit të BSH”, shprehet Malaj. Sipas tij, veprimi i deputetëve socialistë është politik, sepse Banka e Shqipërisë nuk ka asnjë vërejtje për shkelje etike.

“Vetëm profesionalisht më trishton. Veprimi i tyre është i pastër politik, sepse shkeljet etike materializohen me cenim të reputacionit apo evidencës të Bankës së Shqipërisë, gjë që sipas vlerësimeve edhe të institucioneve ndërkombëtare, por edhe në mbledhjen e Bordit pas mandatit të ri, (mandati i parë ishte zëvendësues rreth dy vite) nuk ka asnjë shqetësim të shprehur ndaj meje për shkelje etike.

Mbledhja e fundit ishte në 3 Korrik 2019”, shprehet Malaj. Ai shprehet se ka punuar dhe vepruar me integritet dhe profesionalizëm të lartë. “E para dhe thelbësorja – vendit tim i kam shërbyer në çdo kohë me integritet të lartë, profesionalizëm të thellë dhe dashuri të madhe. Të tria këto vërtetohen gjatë përvojës 32-vjeçare në çdo angazhim akademik, shoqëror dhe politik. Ju kam paralajmëruar që u bënë përpjekje maksimale për të mos më rizgjedhur. Për interesat dhe emrat konkretë do të flas fillimisht në procesin e ballafaqimit parlamentar”, shprehet Malaj.

Ai sqaron se ka ngritur në probleme diskutimi të gjitha sfidat e Bankës së Shqipërisë. Malaj shprehet se do ta ndjekë në rrugë ligjore procedurën e shkarkimit të tij nga Kuvendi. “Sfidën e integritetit dhe profesionalizmit e kam përherë të fituar, edhe gjyqin partizan e kam të fituar moralisht, do ta fitoj edhe në rrugë gjyqësore. Po pagat dhe penalitetet 7-vjeçare, kush do t’i paguajë 28 deputetët, apo taksapaguesit shqiptarë?! Ky është thelbi i shqetësimit profesional.

Padia do të jetë individuale për çdo abuzues me statusin e deputetit, i këshilloj të kërkojnë asistencë juridike përpara se të shpifin. E fundit, por më e rëndësishme, kolegët në PS e dinë shumë mirë që midis lirisë dhe karrigeve kam zgjedhur dhe do të zgjedh lirinë, sepse pa të nuk i shërbej dot vendit tim”, shkruan Malaj