BREAKING NEWS

Ekipi i Donald Trump publikon VIDEO-SKANDALIN me zgjedhjet

Ekipi i Donald Trump publikon VIDEO-SKANDALIN me zgjedhjet
x

Politike

“Lefter Koka u përjashtua nga LSI pasi firmosi për inceneratorët”, befason Ylli Manjani, i jep mesazhin e fortë Kryemadhit: E vërteta është e hidhur...

“Lefter Koka u përjashtua nga LSI pasi firmosi për

Ish-ministri i Drejtësisë Ylli Manjani ka reaguar pas deklaratës së kryetares Monika Kryemadhi e cila tha se Lefter Koka është përjashtuar nga LSI pas firmës që hodhi në ndërtimin e inceneratorëve.

Manjani shprehet se edhe pas këtij distancomi, LSI mban përgjegjësi politike.

Reagimi i plotë

“Pavarësisht distancimit të LSI së sotme nga veprimtaria ish Ministrit Koka për çështjen e inceneratorëve, gjykoj se LSI mban përgjegjësi politike.

LSI minimalisht kishte në dorë ta ndalte këtë masakër mjedisore, urbane, buxhetore dhe anti-integrim, por nuk e bëri! Mirë u çmend Lefteri, po të tjerët pse e lejuan që qeveria të vendosë brenda ditës?!
Pse u lejua të shkelej dokumenti strategjik për trajtimin e mbetjeve?!
Pse u lejua shkelja e angazhimeve të marrëveshjes së Stabilizim Asocimit?! Kjo e fundit për LSI kishte në shumë kuptim se asgjë tjetër.

Siç në fakt nuk ndali, përkundrazi kontribuoi, në shkatërrimin e shtetit me miratimin e ligjeve të reformës në drejtësi pa konsensusin e opozitës.

LSI nuk ndali në fakt asgjë nga këto të liga anti-europë e anti-integrim të modelit Edi Rama, që po përjetojnë sot shqiptarët.

Kur them LSI, fus dhe veten time për aq sa më takon në këtë përgjegjësi. Pavarësisht përpjekjeve të mia reaguese, ne NUK E NDALËM dot të keqen.

Kjo është e vërteta, me të cilën nuk mund të luhet për asnjë arësye mendoj unë. As për të bërë Opozitë.

Nuk është e thënë të jesh peng i të shkuarës, por distancimi nga ajo bëhet më i besueshëm me një ndjesë si fillim dhe, në vijim me një plan rikuperimi.

Politika serioze dhe e përgjegjshme nuk e shet të shkuarën e saj tek personat, por e rivlerëson si aset për të bërë më mirë në të ardhmen.

E vërteta është e hidhur si ilaçi, por i domosdoshëm për t'u pirë. Refuzimi për ta pirë përkeqëson sëmundjen...
=======
P.S. Besoj me këto mendime i shërbej Ramës...”, shkruan Ylli Manjani.