Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Lobimet për hapjen e negociatave, Holanda mbështet Shqipërinë në rrugën e integrimit, Ruçi jep detaje mbi takimin

Postuar: 23/05/2019 - 07:53

Pas vendimit të Parlamentit holandez, i cili votoi në 16 prill rikthimin e vizave për Shqipërinë, kreu i Kuvendit, Gramoz Ruçi i shoqëruar nga Taulant Balla dhe Rudina Hajdari kanë zhvilluar në Holandë takime për të lobuar për Shqipërinë në lidhje me hapjen e negociatave me Bashkimin Europian. Në një deklaratë nga Haga, Ruçi u shpreh se me përfaqësuesit e Parlamentit holandez është diskutuar mbi realizimin e pesë prioriteteve dhe se për një vendim në lidhje me votën ndaj Shqipërisë do të pritet përfundimi i zgjedhjeve për Parlamentin Evropian. “Kuvendi i Shqipërisë në kuadër të objektivit strategjik për hapjen e negociatave ka disa muaj që ka nisur turin e vizitave në vende të shumta e të rëndësishme të BE, në Gjermani, Itali e sot në Holandë. Kemi pasur takime në Francë, vende të Ballkanit anëtare të BE. Do kemi takime ne Çeki. Sot jemi në Holandë, ku paraqitëm në Parlamentin Holandez arritjet e Shqipërisë në kuadër të pesë prioritetet. Nga kontaktet ne fitojmë duke sqaruar mbi skepticizmin apo paqartësitë mbi arritjet tona. Pavarësisht nga jehona mediatike për skepticizmin e Holandës gjetëm mirëkuptim të plotë, deklaruan se po presin përfundimin e zgjedhjeve europiane, rekomandimin e Komisionit Europian dhe në fund do shprehen lidhur me vendimin e Holandës për negociatat”, deklaroi Ruçi. Por sinjalin se Holanda e mbështet Shqipërinë në hapjen e negociatave, e ka dhënë dje presidentja e Senatit të Holandës Ankie Brokers-Knol. Në një deklaratë nga Haga, ajo tha se marrëdhëniet mes dy vendeve janë shumë të mira, duke shtuar se Shqipëria ka mbështetjen e plotë të Holandës për hapjen e negociatave. “Aktualisht marrëdhëniet dypalëshe janë shumë të mira dhe më një perspektivë akoma më të mirë. Jam e impresionuar nga vullneti dhe arritjet e Shqipërisë në reformat, sidomos reformës në drejtësi dhe vetingut, për të cilën kontribuojnë edhe ekspertët holandezë. Shqipëria dhe Ballkani Perëndimor janë vende europiane dhe unë jam e bindur për perspektivën europiane të Shqipërisë. Nisja sa më shpejt e negociatave nuk është vetëm në interesin e Shqipërisë, por edhe të BE-së. Për këtë keni mbështetjen tonë”, tha Brokers-Knol. 

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 19/06/2019 - 23:57

Kryeministri Edi Rama i ftuar mbrëmjen e sotme në emisionin ‘Përballë’ ka komentuar përgjimet e publikuara nga gazeta gjermane ‘Bild’.

Postuar: 19/06/2019 - 23:52

Aktivisti i njohur Endri Shabani është përballur ditën e djeshme në emision me ish-kryeministrin

Postuar: 19/06/2019 - 23:47

Taulant Balla ka deklaruar në emisionin Open se audio-përgjimet janë përgatitur në landmarkun e k

Postuar: 19/06/2019 - 23:30

Djali i ish-kryeministrit Sali Berisha, Shkëlzeni, i përgjigjet deputetit socialist Taulant Balla

Postuar: 19/06/2019 - 23:13

Kryeministri, Edi Rama ka komentuar trazirat që po ndodhin në ambientet e KZAZ-ve duke u shprehur

Postuar: 19/06/2019 - 23:00

Kryetari i PD-së, Lulzim Basha, reagoi pas publikimeve të përgjimeve të reja nga gazeta gjermane

Postuar: 19/06/2019 - 22:55

Kryetarja e LSI, Monika Kryemadhi ishte ditën e sotme në Fier ku u takua me struktura të partisë