Luigi Soreca i shkon në zyrë ministrit Bledi Çuçi, zbardhen çështjet e rëndësishme që u diskutuan

Ambasadori i BE në Shqipëri, Luigi Soreca i ka shkuar sot në zyrë ministrit të ri të Brendshëm, Bledi Çuçit.

Përmes një postimi në rrjetet sociale, Çuçi informon se biseduan për vijimin e bashkëpunimit të ngushtë të Shqipërisë dhe BE në çështje të interesit të përbashkët, por dhe për përgatitjen për zgjedhjet e 25 prillit.

“Prita sot në një takim Ambasadorin e BE-së në Shqipëri, z.Luigi Soreca. Diskutuam për vijimin e bashkëpunimit të ngushtë mes Shqipërisë dhe Bashkimit Europian në çështje të interesit të përbashkët që lidhen me rendin, sigurinë, migracionin, luftën kundër krimit të organizuar dhe ndihmën në kuadër të programit IPA III. Biseduam gjithashtu për punën përgatitore të zgjedhjeve të 25 prillit dhe angazhimin e Ministrisë së Brendshme në këtë proces. Bashkimi Europian mbetet një partner i pazëvendësueshëm për Shqipërinë në procesin e integrimit dhe anëtarësimin e plotë në union.”, shkruan ministri Çuçi.