“Marrëveshja Beograd-Prishtinë?!”/ Reagon Rama, kërkon sqarime nga OKB: Gabim serioz apo lapsus? Jepni sqarime menjëherë

Kryeministri Edi Rama ka kërkuar sqarime nga OKB lidhur me emërtimin që ka vënë për marrëveshjen mes Kosovës dhe Serbisë.

Nëpërmjet një postimi në rrjetet sociale, Rama ka shprehur shqetësimin pse në deklaratën zyrtare lidhur me marrëveshjen e arritur në Ohër, e ka cilësuar si një dakordësi e arritur mes “Beogradit dhe Prishtinës”

Sipas Ramës, marrëveshja duhet të cilësohet mes “Kosovës dhe Serbisë” dhe jo mes “Beogradit dhe Prishtinës”.

 “’Beogradi dhe Prishtina’?! Një gabim serioz apo një lapsus? Emri zyrtar i saj është ‘Marrëveshja për rrugën drejt normalizimit ndërmjet Kosovës dhe Serbisë’ dhe do të ishte e papranueshme nëse SHBA nuk do ta përdorte këtë emër të duhur qëllimisht. Ju lutemi jepni sqarime menjëherë”, shkruan Rama.