Mbrapa sulmit të Berishës qëndron Rama? Ilir Demalia revoltohet me situatën në Shqipëri: Ngjarje e shëmtuar dhe e papranueshme

Gjatë një lidhje direkte për një emision televiziv, analisti Ilir Demalia deklaroi se sulmi ndaj Sali Berishës në protestën e 6 dhjetorit është një ngjarje e shëmtuar dhe e papranueshme dhe se dhuna është tipar dallues i njerëzve primitiv.

Demalia: Çdo ngjarje dhune është një ngjarje e shëmtuar dhe e papranueshme. Unë jam kundër dhunës. Njeriu ka fjalën. Dhuna është e papranueshme në gjithë botën e qytetëruar. Vetëm njerëzit primitiv përdorin dhunën. Ngjarjen e sheh pasojë të klimës së rëndë në vend.

Demalia: Në Shqipëri është një klimë shumë e agravuar, që kur zbret në aeroport sheh fytyra të egra. Kjo vjen nga gjithë situata sociale, ekonomike dhe retorika politike. Gjithë diskursi politik është një dhunë verbale. Po të ndjekësh parlamentin, emisionet televizive të gjithë janë të egër, të dhunshëm.

Ndërsa opozita pretendon se agresori i Berishës është agjent i policisë kriminale dhe sulmi është kryer me urdhër të kryeministrit, Demalia thotë se Rama nuk ka asnjë interes ta bënte këtë.

Por i sigurt është se shoqëria shqiptare ka akoma të mpiksur mentalitetin kanunor.