“Me një gurë vrau tre zogj”, sipas Kreshnik Spahiut ja prapaskenat e forta që qëndrojnë pas arrestimeve të mazhorancës

Kreshnik Spahiu bëri një analizë të të gjithë situatës politike në lidhje me arrestimin e ish-kryebashkiakut të Durrësit, Vangjush Dako.

Ai u shpreh se e gjithë kjo skemë u bë edhe për drejtësi, por edhe si një teatër, me një kohë të caktuar pikërisht pas zgjedhjeve.

“Kam një qasje në të cilën mendoj dhe kam bindjen që ka ndodhur për drejtësinë por edhe për teatër. Nëpërmjet një kati drejtësie në një kohë të caktuar ka shërbyer për një sërë hetimesh që do të vijojnë arsyet që ka ndodhur pas zgjedhjeve ka një sërë faktorë të jashtë. Pse vetëm sot janë bërë vetëm arrestime majtas, janë arrestuar majtas sepse vetëm ata vjedhin, janë arrestuar se janë vetëm të majtët në pushtet dhe kanë kaluar mbi 10 vite.

Janë arrestuar majtas se Rama i mban peng të djathtët me dosjet e tyre, janë arrestuar të majtët se janë prokurorë që kanë frikë liderët opozitarë, Berishën dhe Metën. Sot Rama doli dhe tha që jemi shembull krenarie në të gjithë botën. Ne po e shohim që Rama po e sheh si një arritje. Ai e përdori si arritje. Rama bëri të pakënaqurin. Rama me një gurë vrau tre zogj, prokuroria është e pavarur, ndërkombëtarëve i tha që prokuroria është e paanshme dhe popullit i tha që është fanari ndriçues”, tha analisti.

Spahiu ndër të tjera shtoi se arrestimet nuk do të vijojnë vetëm majtas, pasi kryeministrit Edi Rama i intereson lista e hetimeve të personave nga grupimi politik i djathtë.

“Nuk do të vazhdojnë arrestimet vetëm majtas. Ramës i intereson që ata që janë në listën për tu hetuar në të djathtën, do t’i duhet deri në zgjedhjet e ardhshme”, tha ai.