Me sytë e përlotur, kryeministri Rama përkujton 4 viktimat e 21 Janarit dhe komunikon vendimin e rëndësishëm (VIDEO-LIVE)

Kryeministri Edi Rama po përkujton me një ceremoni të veçantë në kryeministri 10-vjetorin e vrasës së 2 protestuesve të PS nga Garda e Republikës. Rama ka pritur në kryeministri familjarët e 4 viktimave.

“Kryeministria - Shpallja e të vrarëve të 21 janarit "Dëshmorë të Atdheut" dhe reflektimi i tragjedisë në rrugën e reformimit të sistemit të drejtësisë, si edhe marrëdhëniet e qeverisë me protestën në rrugën e forcimit të demokracisë...

#TëPaharruar”, shkruan Rama.

Kryeministri deklaroi se 4 të rënëve Qeveria e Republikës së Shqipërisë ka vendosur t'iu japë titullin e lartë të dëshmorit të atdheut.

"Sot përkujtojmë dëshmorët e protestës paqësore të 21 janarit. qeveria e republikës së Shqipërisë ka vendosur të japë titullin e lartë të dëshmorit të atdheut për të katërt dëshmorët e protestës paqësore të 21 janarit. Është dita për të bërë një reflektim pas këtij rrugëtimi 10 vjeçar në përpjekjen për të kuptuar bashkërisht se si ajo ngjarje tragjike dhe katër jetë të pafajshmë të humbura ka ndikuar historinë tonë të re në dy drejtime themelore. Nga njëra anë në drejtim të marrëdhënies së qeverisë me protestën dhe nga ana tjetër në drejtim të transformimit të drejtësisë. Përtej plagëve të pangushëllueshme që hapi në shpirtin e familjeve të 4 dëshmorëve nxori në pah llumin e politikës dhe drejtësisë", tha Rama.