Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Memoriali për të rënët në Turqi, Spartak Ngjela: Ky turp duhet shkulur, fyerje historike ndaj Shqipërisë

Postuar: 14/08/2019 - 07:43

Memoriali i ndërtuar te kodrat e Liqenit Artificial në nder të viktimave që ranë gjatë grushtit të shtetit në Turqi, vijon të shkaktojë debat. Dje ka reaguar avokati i njohur Spartak Ngjela, i cli ka lëshuar kritika e sulme ndaj qeverisë. “Lirinë e shqiptarëve, në 150 vjet, e ka sulmuar dhe dhunuar një lukuni ujqërish të huaj që kanë pushtuar Arbërinë, dhe një rrjedhë hajdutësh sunduesish shqiptarë, të shitur në shekuj. Kjo është tragjedia shqiptare: sundim barbar kryeministrash dhe shitje e shqiptarizmës në tregun e fqinjëve pushtues. Akti i fundit është memoriali turko-osman i kryeministrit Edi Rama. A e patë sesa me afekt historik ndërhyri dje Ambasada Amerikane, duke denigruar memorialin turk ala Erdogan në Tiranë? “Ju keni viktimat tuaja në Kosovë”, tha përmbledhtas përfaqësuesi ligjor i saj, “pse duhen memoriale abstrakte të një vendi të huaj”. Historia e Shqipërisë ka qenë e mbetet ende e përshkuar nga qeveri që gënjejnë dhe fyejnë hapur shqiptarët. Ky ka qenë e po mbetet fati i keq i shqiptarëve: qeverisen nga persona të papërgjegjshëm që më shumë nga gjithçka, urrejnë shqiptarët. Grabisin, fyejnë shqiptarët dhe heshtin e nuk japin asnjë përgjigje”, tha ai. Më tej avokati shtron pyetjen se përse

shqiptarët gjithmonë sjellin në krye vetëm sundues të papërgjegjshëm dhe antishqiptarë? Sipas tij, kjo ndodh sepse ka një shekull që janë kapur nga laku i tyre, dhe tani janë mu në prag të shpëtimit shekullor. “Qeveria shqiptare hesht, por shqiptarët jo. E ç'i mbetet kësaj qeverie nëse shqiptarët e fyer nga ky turp historik do të shkojnë e ta shtypin atë palomemorial të vendosur hajdutshe e në mënyrë sekrete në Tiranë? Po, vërtet do të shkojnë shqiptarët ta shembin shenjën e turpit historik që iu ka vendosur në kryeqytet Edi Rama? As dhjetë shqiptarëve patriotë që mund të shkojnë për të shkulur atë vepër të turpshme poshtëruese për Shqipërinë, nuk ka mundësi t'iu bëjë bllokim askush, sepse ajo është një vepër klandestine, pa asnjë vendim administrativ dhe madje, krejt e fshehtë dhe e ndaluar që të transmetohet edhe si lajm inaugurimi i saj. Ky turp duhet shkulur, sidomos tani që u bë publik si një fyerje historike kundrejt Shqipërisë si shtet dhe shqiptarëve si popull, kudo ku ata ndodhen”, tha avokati.

 

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 07/12/2019 - 23:58

Pas deklaratave të presidentit serb Aleksandar Vuçiç që tha për mediat serbe ka thënë se Masakra e Reçakut është mashtrim duke shtuar se do të përsërisë çdo ditë se ky është një krim i fabrikuar.

Postuar: 07/12/2019 - 23:09

Analisti i njohur i çështjeve ndërkombëtare dhe kombëtare Ilir Kulla i ftuar në emisionin “

Postuar: 07/12/2019 - 20:22

Raportuesja për Shqipërinë në Parlamentin Europian, Izabel Santos shprehet se Shqipëria duhet të

Postuar: 07/12/2019 - 19:40

Kryetarja e LSI, Monika Kryemadhi ka hodhur akuza të forta në drejtim të kryeministrit Edi Rama.

Postuar: 07/12/2019 - 19:09

Kryetarja e LSI-së, Monika Kryemadhi ka folur për fatkeqësinë natyrore të tërmetit të 26 nëntorit

Postuar: 07/12/2019 - 18:47

Kryetarja e LSI-së, Monika Kryemadhi e ftuar në emisionin “ Kjo Javë” u pyet për ftes

Postuar: 07/12/2019 - 18:39

Kryetarja e LSI, Monika Kyemadhi e ftuar në emisionin “Kjo Javë” tregoi si e përjetoi