BREAKING NEWS

Ekipi i Donald Trump publikon VIDEO-SKANDALIN me zgjedhjet

Ekipi i Donald Trump publikon VIDEO-SKANDALIN me zgjedhjet
x

Politike

Merr fund makthi, shpëtohen 4 fëmijë nga kampi në Siri, Rama niset në Liban dhe jep detajet e operacionit

Merr fund makthi, shpëtohen 4 fëmijë nga kampi në Siri, Rama

Më në fund, pas thirrjeve të shumta përmes mediave shqiptare, më shumë gra e fëmijë do të shpëtojnë nga kthetrat e kampit famëkeq në Siri, Al-Hol dhe do të kthehen në vendlindjen e tyre. Lajmi është bërë me dije nga Gjysmëhëna e Kuqe siriane, e cila njoftoi ditën e djeshme se riatdhesimi i shtetasve shqiptarë ka nisur pas kërkesës së bërë nga vendi ynë. Mes të riatdhësuarve është edhe i vogli i familjes Dumani, 14-vjeçari Endri Dumani, që udhëtoi drejt Sirisë bashkë me të motrën Eva dhe të atin Shkëlzen Dumani. Ky i fundit, mbeti i vrarë në vitin 2014, duke luftuar në krah të grupeve xhihadiste. Por në pamjet e publikuara dje në media dhe rrjetet sociale, shihej dalja nga kampi i Al-Holit në Siri i katër fëmijëve dhe i një gruaje me aftësi të kufizuara. Ka qenë kreu i misionit shqiptar në konsullatën e Bejrutit, Marc Ghorayeb, i cili dha detaje nga operacioni, duke bërë me dije se fëmijët dhe gruaja do të nisen për në Shqipëri. “Fillimisht dua të falënderoj Gjysmëhënën arabe. Kemi punuar bashkë më parë edhe për rastin e Alvin Berishës. Të evakuuari nga kampi janë kontrolluar nga mjekët dhe janë mjekuar. Kanë ndryshuar edhe rrobat gjithashtu, teksa përgatiten për udhëtimin e tyre në Shqipëri. S’kam fjalë që të përshkruar falënderimet më të mëdha për të gjithë ju”, deklaroi Ghorayeb në videon e shpërndarë. Nga ana tjetër për këtë çështje ka reaguar edhe kryeministri Edi Rama, i cili dje është nisur në Liban ku do të presë fëmijët që u nxorën nga kampi i Al-Hol. Përmes një statusi në rrjetet sociale, Rama ka deklaruar se jemi në fazat e para të operacionit kompleks për të rikthyer në atdheun shqiptar të gjithë fëmijët që janë në kampet e Sirisë. Rama tregon se prej më shumë se një viti janë duke u marrë me procedurat për të kthyer në Shqipëri fëmijët e jo vetëm. Madje, Rama shkruan se nëse çdo gjë shkon sipas planit ditën e nesërme do të vijnë në vend dhe katër fëmijë të tjerë, që më pas do të hapë rrugën për finalizimin e fazës së dytë. “Një hap nga finalizimi i fazës së parë të operacionit kompleks për nxjerrjen e fëmijëve shqiptarë nga ferri i kampeve të Sirisë, pas një përpjekjeje diplomatike prej më shumë se një viti tanimë. Nëse me ndihmën e Zotit gjithçka do të shkojë sipas planit, nesër do të kthejmë në atdhe katër fëmijë dhe do të hapim rrugën për finalizimin e fazës së dytë, ku do të kthejmë edhe pjesën tjetër”, shkruan kryeministri Edi Rama.