Lajme të tjera
BREAKING NEWS

Ulet numri i të infektuarve me Covid-19 në Shqipëri , ja çfarë ka ndodhur në 24 orët e fundit

Ulet numri i të infektuarve me Covid-19 në Shqipëri , ja
x

Politike

Meta dekreton ligjin “Për Regjistrin e Pronarëve Përfitues” dhe shton goditjet ndaj qeverisë: Mund të ishte dhe më transparent

Meta dekreton ligjin “Për Regjistrin e Pronarëve

Presidenti Ilir Meta ka dekretuar ditën e djeshme ligjin “Për regjistrin e pronarëve përfitues”. Ky ligj ka të bëjë për të gjithë ata që kanë aksione në kompani offshore dhe janë përfitues të drejtpërdrejtë të aktivitetit të tyre, do të jenë të njohur për autoritetet. Pas përfundimit të projektligjit nga ana e qeverisë dhe kalimit në komisionet parlamentare për diskutim e më pas në Kuvend për votim, ky ligj i shkoi për dekretim presidentit Meta. Ky i fundit, në argumentin e tij e ka cilësuar si të rëndësishëm ku sipas tij kanë gjetur vend edhe rekomandimet e Moneyval dhe Këshillit të Europës. “Presidenti i Republikës, Sh.T.Z Ilir Meta, ka dekretuar me shpallje ligjin nr. 112/2020 “Për Regjistrin e Pronarëve Përfitues”. Ky ligj është një rekomandim i përsëritur për Republikën e Shqipërisë nga Komiteti i Ekspertëve për Vlerësimin e Masave Kundër Pastrimit të Parave dhe Financimit të Terrorizmit (MONEYVAL) të Këshillit të Europës, për identifikimin dhe regjistrimin e pronarit përfitues të subjekteve tregtare dhe organizatave jofitimprurëse, të regjistruara në Republikën e Shqipërisë. Ky ligj është një hap para drejt transparencës së zotëruesve të kapitalit të subjekteve tregtare, por që po në funksion të kësaj transparence, mund të kishte përcaktuar edhe më qartë detyrimin për deklarimin dhe regjistrimin e subjekteve, pa kufizime, në raport me aksionet/kuotat të kapitalit ose të interesave të pronësisë në një subjekt raportues”, thuhet në njoftimin e Presidencës. Më tej presidenti ka deklaruar se zbatimi i këtij ligji duhet të nisë menjëherë. “Ky ligj nuk duhet të jetë një akt që miratohet vetëm për qëllime raportimi pranë Moneyval, por është me rëndësi themeltare për Shqipërinë, të nisë menjëherë zbatimi i tij dhe transparenca me zotëruesit e aksioneve, pa u zvarritur nga Këshilli i Ministrave nxjerrja e akteve nënligjore që mundësojnë fillimin e implementimit”, thuhet në njoftimin e Presidencës.