Mjeku Ilir Alimehmeti “zbërthen” koncesionin e “Sterilizimit”: Ka shkresa të firmosura dhe nga Manastirliu kur drejtonte QSUT-në

Mjeku Ilir Alimehmeti, ka analizuar në detaje koncesionin e “Sterilizimit”. Dje, në një intervistë televizive, Alimehmeti shprehet se drejtësia po bën hapat e duhur me Ilir Beqajn, ish-ministrin e Shëndetësisë, por nga ana tjetër thotë se është disi me vonesë. “Drejtësia po bën hapat e veta, do them të vonuara sepse kjo histori ka lindur që në vitin 2014. Ky koncesion shkakton një dëm të themi 100 milion euro është pak. Nuk është vetëm dëm ekonomik, se si është përplasur dhe ka krijuar problematika në shëndetin. Në të gjithë këtë diskutim edhe nga drejtësia edhe nga organet e tjera, flitet vetëm për lekët. Që në vitin 2014 ka një shkresë zyrtare që i drejtohet nga drejtoresha e spitalit Ogerta Manastirliu, i drejtohet ministrit Beqaj. Ku është përgatitur një plan-biznes se si ajo qendra e sterilizimit që ishte në QSUT, ajo thotë hajde ta vëmë në punë”, deklaroi ai. Mëtej Mjeku theksoi se qendra ka nevojë për 32 punonjës me një fond i cili shkon në vlerën e 123 milionë lekëve të  vjetra. “Kjo është një qendër që mbulon krejt QSUT. Ka nevojë për 32 punonjës gjithsej. Me një fond 123 milionë lekë të vjetra për të gjitha shpenzimet. Kostoja vjetore është 960 milionë lekë të vjetra. Këtë shkruan drejtoresha e spitalit. Beqaj nuk i përgjigjet. Në qershor të 2014, 4 muaj më pas, i çon dhe një memo drejtoresha ministrit, nuk merr përgjigje. Dhe SPAK e ka marrë në shqyrtim këtë fakt, ku shihet përgjegjësia e titullarit, pra ministrit. Mund ta fuste në përdorim atë qendër me 963 milionë lekë. Por pastaj ia dha koncesionarit për 10 milionë euro, që në muajt e parë. Me këto euro e ndërtoje që nga e para si qendër. Ky është dëmi. Po shërbimin e marrim, dhe shumë mirë që është bërë plan-biznesi por paguam 17 herë më shumë”, nwnvizoi mjeku Alimehmeti.