“Mua më larguat se thashë bastard”/ Deputeti i PD-së kërkon përjashtimin nga Kuvendit të ministres së Ramës: Mblidhni Komisionin e Etikës!

Deputeti i Partisë Demokratike, Edmond Spaho kërkoi përjashtimin nga Kuvendi të Ministres së Shtetit për Marrëdhëniet me Parlamentin, Elisa Spiropali, pas përdorimit nga ana e saj e fjalëve “lukuni dhe kope”.

Spaho kërkoi që të gjithë të jenë të barabartë në Kuvend, pasi edhe ai u përjashtua në seancën e dy javëve më parë për përdorimin e fjalës “bastard”.

“Rregullorja është 1 për të gjitha palët dhe dihet të zbatohet në mënyrë korrekte, unë u përjashtova se përdora termin bastard. Ministrja duhet të përjashtohet se përdori termin kope, lukuni. Ju propozoj të mblidhni komisionin e etikës dhe të marrin vendim për të përjashtuar ministren, jemi të gjithë të barabartë”, u shpreh deputeti demokrat.