Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Nën hetim koncesioni i kolaudimit të makinave dhe Portit të Durrësit, Autoriteti i Konkurrencës raporton në komision

Postuar: 14/03/2018 - 07:39

Autoriteti i Konkurrencës ka nisur hetim të thelluar për kontratat koncensionare në Portin e Durrësit dhe atë të Kontrolli Teknik të Automjeteve (SGS). Një gjë të tillë e bëri të ditur vetë kryetarja e këtij institucioni, Juliana Latifi gjatë raportimit në Komisionin e Ekonomisë, e cila iu përgjigj shqetësimit të ngritur nga deputetja e PD, Jorida Tabaku. Kjo e fundit pyeti nëse po hetohen koncesionet, ndërsa Latifi theksoi se hetimi për SGS ka përfunduar dhe është në fazë vendimi. “Kemi nisur një hetim në terminalin lindor të Portit të Durrësit, i cili është me koncesion. Po ashtu me koncesion është edhe Kontrolli Teknik i Automjeteve. Në lidhje me këtë të fundit jemi në fazën e hetimit paraprak, ndërsa për Portin e Durrësit e kemi mbaruar procesin e hetimit dhe për këtë kërkuam edhe bashkëpunimin e Ministrisë së Infrastrukturës.

Së shpejti do të shpallim vendimin”, u shpreh kryetarja e Autoritetit të Konkurrencës. Nga ana tjetër, ajo ngriti si shqetësim gjatë mbledhjes se gjyqësori, përmbaruesit dhe institucionet shtetërore nuk zbatojnë vendimet e Autoritetit të Konkurrencës. Kjo gjë u cilësua si e papranueshme nga kryetari i komisionit, Erjon Braçe, i cili deklaroi se duhet të merren masa që kjo situatë të mos vazhdojë më. “Është tërësisht e patolerueshme, e kam përsëritur shpesh gjatë këtyre 3 javëve të fundit që ministritë apo agjencitë në varësi të ministrive të mos kthejnë përgjigje, të mos bëhen pjesë e proceseve, të ndërmarrin nga Autoriteti i Konkurrencës e mbi të gjitha të refuzojnë zbatimin e rekomandimeve të Autoritetit të Konkurrencës”, tha Braçe. Gjatë vitit 2017 Autoriteti i Konkurrencës ka konstatuar 47 raste të shkeljes së rregullave të konkurrencës në tregjet shqiptare, por për 13 prej tyre nuk janë zbatuar akoma vendimet me gjoba. Për këtë arsye Juliana Latifi deklaroi se për të zgjidhur këtë ngërç do të detyrohet që t’i drejtohen përmbaruesve privatë. Teksa lexonte bilancin e vitit 2017, Latifi theksoi se problematik ka qenë tregu i telefonisë celulare pas kalimit të frekuencave të Plus tek Vodafone dhe Telekom. “Kjo lëvizje ka rritur pozitat e Vodafone, jemi në monitorim të këtij operatori”, tha Juliana Latifi.

/Agjensia e Lajmeve Sot News/

Na Beni Like Ne Facebook: 
Total votes: 17

Lajme nga e njejta kategori

Postuar: 09/12/2018 - 20:44

Pasi kryeministri Edi Rama u kërkoi dialog studentëve ditën e sotme, ka reaguar dhe LSI.

Kreu i grupit parlamentar të LSI, Petrit Vasili ka shpërthyer me një fjalor të ashpër ndaj Partisë Socialiste.

Postuar: 09/12/2018 - 20:39

Rreth orës 11:00 situata është tensionuar, pasi një grup studentësh i kanë hequr megafonin pedago

Postuar: 09/12/2018 - 20:11

Pas pesë ditësh protestë para Ministrisë së Arsimit, për të dytën herë studentët kanë marrë një p

Postuar: 09/12/2018 - 19:58

Deputetja e Partisë Demokratike, Albana Vokshi ka reaguar pas mesazhit, që kryeministri Rama iu p

Postuar: 09/12/2018 - 19:46

Pas denoncimeve të shumta në media, tanimë Partia Demokratike ka dalë hapur në krye të protestës.

Postuar: 09/12/2018 - 18:35

Pas pesë ditësh protestë para Ministrisë së Arsimit, për të dytën herë studentët kanë marrë një p

Postuar: 09/12/2018 - 18:28

Kryeministri Edi Rama ka aluduar se pas protestës së studentëve fshihet opozita.