Ndalimi i filmave të komunizmit, Shehi kundër opozitës: Një regjim liberal demokratik nuk mbyll gjërat e së shkuarës

Deputeti dhe kreu i LZHK, Dashamir Shehi duket se ka dalë dje kundër nisim së opozitës për dekomunistizimin, sidomos për atë pjesë ku kërkohet të ndalohen filmat e prodhuara gjatë kohës kur Shqipëria drejtohej nga Enver Hoxha. Duke folur nga foltorja e Parlamentit, zoti Shehi u ndal edhe tek dekomunistizimi, teksa u shpreh se një regjim liberal demokratik nuk i mbyll gjërat së shkuarës. Pra, indirekt deputeti Shehi ka dalë kundër ndalimit të filmave të komunizmit. Një regjim liberal demokratik nuk mbyll gjërat e së shkuarës. Ndryshe ribëjmë atë që bëjnë paraardhësit tanë. E mora këtë shembull të them se nuk duhet të japim sinjale që në vlerësimin e historisë sonë, shkojmë drejt një teze që është në vetizolim në vetvete. Kohët e fundit kemi parë që realiteti historik po nëpërkëmbet në Shqipëri në funksion të privatit. Nuk mund të dhunohet kryeqyteti i Shqipërisë me gradaçelat e pasanikëve. Si mund të arrijnë të zhduken godina të tilla që ne kemi, si Teatri, se nuk jemi Firence. Ne me një pakujdesi të madhe sikur do të ndërtojë vetëm ky brez. Është kontribut i një njeriu që po shkon të glorifikojë veten. Do të kujtohen për madhështinë e zotit Rama”, deklaroi ai. Më tej Shehi ka deklaruar gjatë fjalës së tij në Kuvend se duhet të kishte një rritje të pagave deri në 30% pasi kjo sipas tij do të shërbente si stimul për të rinjtë që të mos largohen nga vendi. Nga ana tjetër lëvizjet e fundit të Ramës sa i takon rritjes së pagave për kategori të ndryshme dhe ‘përplasjes’ me pedagogët, kreu i LZHK i konsideroi si politika amateriale.