Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Ndizet beteja për dosjen “Hajdari”, Sali Berisha i pari që do thirret si dëshmitar në shtator, Izet Haxhia i drejtohet Apelit dhe sfidon gjyqtarët

Postuar: 14/08/2019 - 09:20

Ashpërsohet beteja sa i takon rihapjes së dosjes “Hajdari”. Një vit më parë Izet Haxhia u ekstradua nga Turqia dhe premtoi se do të tregojë të vërtetat e ekzekutimit të Azem Hajdarit. Por gjyqi ndaj tij nuk ka ecur sipas parashikimeve, pasi ka pasur jo pak pengesa rrugës. Në seancën e fundit, Haxhia kërkoi që të gjykohet jashtë qelie, gjë që nuk u pranua nga Gjykata e Shkallës së Parë Tiranë. Por kjo është kundërshtuar nga Haxhia dhe avokatët e tij, të cilët i janë drejtuar Apelit. Sot do të zhvillohet gjykimi i çështjes së masës së arrestit për Izet Haxhinë në Gjykatën e Apelit. Por edhe kjo seancë pritet të shoqërohet me debate të forta. Në seancën e shkuar gjyqtari e nxori nga salla Haxhinë, pasi ky i fundit e akuzoi se po mbante krahun e Berishës. Por gazeta ka mësuar se Haxhia ka shfaqur pakënaqësi dhe ndaj trupës që është zgjedhur në Apel. Mes 3 emrave që do shqyrtojnë kërkesën e tij është dhe Asim Vokshi. Haxhia ka shfaqur kritika ndaj tij, duke pretenduar gjithashtu se është pjesë e rrjetit të Sali Berishës dhe familjes së tij. Pritet që në seancë të kërkohet largimi i tij po për këtë arsye. Por pas kësaj seance, hapet rruga e vijimit normal të seancave gjyqësore ndaj Haxhisë. Pavarësisht se si do të vendosë Apeli, më 6 shtator do mbahet seanca e radhës gjyqësore ndaj Haxhisë në Gjykatën e Shkallës së Parë Tiranë. Aty do përcaktohet dhe kalendari për dorëzimin e provave dhe thirrjen e dëshmitarëve. Gazeta foli me Idajet Beqirin, avokatin e Izet Haxhisë, i cili tha se Berisha do jetë personi i parë që do të kërkohet të thirret si dëshmitar në gjykatë. “Në shtator do të fillojë rigjykimi i çështjes së vrasjes së Azem Hajdarit dhe dëshmitari i parë që do të thirret në këtë rigjykim është Sali Berisha, i cili ka dijeni të plotë rreth vrasjes së ish deputetit Hajdari dhe se është pikërisht ai që ka folur për herë të fundit dhe që e nxori në pritë Azem Hajdarin”, tha avokati. Pra pritet që në shtator të kemi një betejë të fortë sa i takon dosjes “Hajdari”. Haxhia ka kërkuar disa herë që të përballet me Berishën, pasi akuzon atë si përgjegjës për eliminimin e Hajdarit. Mbetet të shihet çfarë do vendosë gjykata, por nëse ajo pranon kërkesën, ligji parashikon shoqërim dhe me forcë.

Dëshmitë

Izet Haxhia pritet që të thërrasë për dëshmitarë rreth 42 emra në gjykatë. Nga këta 8 janë më të spikaturit dhe që kanë dijeni mbi ngjarjen. Një ndër ta është Zenel Neza, ish-truproja i Azem Hajdarit, i cili u qëllua gjatë atentatit. Ai ishte prezent kur ndodhi sulmi dhe është personazhi kryesor që ka parë në sy vrasësit. Madje Zenel Neza është personi i parë i cili pati kontakt me Berishën dhe ky i fundit i pëshpëriti në vesh kur ishte në spital. Emër tjetër është Marjan Gryka. Edhe ky i fundit ka qenë truproja i Hajdarit. Në disa intervista ai ka akuzuar si vrasës të Hajdarit, ish-kryeministrin Berisha. Emra të tjera që kanë qenë në të njëjtën linjë janë Jaho Mulosmani dhe vëllezërit e Izet Haxhisë, Ismet Haxhia, Isamedin Haxhia, të dënuar si autorë të ngjarjes. Ata e kanë mohuar krimin dhe po ashtu kanë akuzuar Berishën. Grupit i bashkohet Fatos Klosi, ish-kreu i SHISH, që po ashtu pretendon se Berisha ka gisht në ngjarje. Një tjetër emër është Ylli Rakipi, gazetari ka qenë prezent në rrëfimin që Zenel Neza ka dhënë para Berishës në spital. Rakipi e ka regjistruar bisedën, por nuk dihet se ku ajo ka përfunduar. Tjetër emër është Astrit Muldaka. Ai është dëshmitar i penduar i ngjarjes, pasi akuzohet se ka qenë pjesë e atentatit dhe ka qenë ai që ka siguruar makinën me të cilën lëvizën atentatorët. Pra shtatori pritet të jetë i vrullshëm, ndërkohë që kulmi i procesit do jetë kur reforma në drejtësi të ketë hyrë në fazën finale. 

Kliti Topalli

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 23/10/2019 - 23:59

Deputeti i PD-së Myslim Murrizi ka befasuar me deklaratën duke u shprehur se Partia Socialiste donte zgjedhje të parakohshme pas djegies së mandateve nga demokratët, por ndërkombëtarët nuk i kanë lejuar.

Postuar: 23/10/2019 - 22:57

Policia e Shtetit ka zbuluar një celulë terroriste iraniane, që do të kryente një akt terrorist n

Postuar: 23/10/2019 - 22:56

Kreu i Partisë Republikane, Fatmir Mediu ka komentuar mos-hapjen e negociatave më 18 tetor nga BE

Postuar: 23/10/2019 - 22:44

Kreu i PAA-së, Agron Duka tha se pasi të bëhet reforma zgjedhore të kalohet me një qeveri teknike

Postuar: 23/10/2019 - 22:42

Deputeti demorkat, Myslim Murrizi i ftuar në emisionin “Arena”  deklaroi se krer

Postuar: 23/10/2019 - 22:30

Deputetit të Partisë Socialiste, Ervin Bushati tha se detyrat Shqipëria i ka plotësuar.

Postuar: 23/10/2019 - 22:21

Deputeti Myslim Murrizi tha se parrulla "Rama ik", u zbut para pak kohësh u bë “G