Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Ndotja e Adriatikut/ Kroacia, Shqipëria dhe Mali Zi mblidhen për të gjetur zgjidhjen

Postuar: 23/02/2018 - 22:05

Tre vende që përfitojnë ekonomikisht shumë nga Adriatiku, janë angazhuar për të gjetur një zgjidhje të qëndrueshme lidhur me eliminimin e ndotjes së këtij deti. Gjatë një takimi të mbajtur në Dubrovnik të Kroacisë përfaqësues të qeverive respektive nënvizuan situatën problematike, impaktin tek turizmi si dhe ndërhyrjet alternative.

Ministri i Turizmit dhe Mjedisit Blendi Klosi, Ministri i Mjedisit dhe Energjisë i Kroacisë, Tomislav Ćorić, dhe ministri i Mjedisit i Malit të Zi, Pavle Raduloviç, vlerësuan bashkëpunimin e deritanishëm midis tre shteteve. Më në detaj Klosi solli në vëmendje masat e marra nga pala shqiptare, ku mes të tjerave operacioni “Clean and Green 2020” që synon pastrimin e Shqipërisë nga ndotja dhe gjelbërimin e saj, po jep rezultatet e tij të para.

”Po bëhet skanimi i të gjitha bizneseve që ndotin lumenjtë dhe do të merren masa ndëshkimore për çdo subjekt që depoziton mbetje në lumenjtë pranë veprimtarisë së tyre”, tha ministri Klosi nē këtë takim.

Ministri kroat i Mjedisit dhe ai i Malit të Zi sollën gjithashtu masat respektive që po merren në vendet e tyre, për të eliminuar ndotjen e ujërave detare.

Përvoja e Kroacisë ka në thelb krijimin e një fondi të mjedisit si një mekanizëm për zgjidhjen e problematikave mjedisore.

Ministrat e të tre vendeve theksuan rëndësinë e mjedisit të pastër dhe turizmit të qëndrueshëm, si dhe zbatimin e Konventës së Barcelonës. Ministri Klosi dhe homologët e tij ndanë të njëjtin mendim për një bashkëpunim më të fortë për zgjidhjen e çështjeve që lidhen me ndotjen detare në Detin Adriatik.

Nga ana e saj Republika e Kroacisë, si një Shtet Anëtar i BE-së garantoi se do të bëjë përpjekje shtesë për të siguruar financimet nga BE, si dhe do të ofrojë asistencë teknike Shqipërinë dhe Malin e Zi. pala kroate gjithashtu shprehu gatishmërinë për të shkëmbyer informacion në lidhje me zbatimin dhe forcimin e legjislacionit në fushën e menaxhimit të mbetjeve detare dhe projekteve që lidhen me zhvillimin dhe zbatimin e legjislacionit.

Ministrat ranë dakord që takimi i radhës në nivel operacional të mbahet në Zagreb në prill të këtij viti, ndërsa takimi i nivelit të lartë është parashikuar të mbahet në Shqipëri gjatë muajit qershor.

 

 

/Agjensia e Lajmeve Sot News/

Na Beni Like Ne Facebook: 
Total votes: 25

Lajme nga e njejta kategori

Postuar: 12/12/2018 - 16:08

Studentët e ndarë në dy grupe vijojnë protestën e tyre para Kryeministrisë dhe para Ministrisë së Arsimit, ku kërkojnë plotësimin e 8 kërkesave të tyre, si përgjysmimi i tarifës për studimin në Universitetet publike,

Postuar: 12/12/2018 - 16:03

Opozita vazhdon me thirrjet e saj që protesta e studentëve të mos ndalet, pavarësisht se këta të

Postuar: 12/12/2018 - 15:35

Studentët vazhdojnë të kërkojnë që politika mos të përzihet në protestën që ata po zhvillojnë.

Postuar: 12/12/2018 - 15:19

Ish-deputeti i Partisë Demokratike, Astrit Patozi, ka reaguar për protestën e studentëve, duke ak

Postuar: 12/12/2018 - 14:52

Policia e Shtetit publikoi ditën  e sotme një listë më 25 persona të cilët kanë kanë tubuar