BREAKING NEWS

"Ndodh për herë të parë", profesori i sëmundjeve infektive jep lajmin që po e prisnim të gjithë: Pandemisë Covid-19 që pushtoi botën, po i vjen fundi! Ja pse nuk do të ketë valë të tretë

"Ndodh për herë të parë", profesori i
x

Politike

Ndryshon ligji për ISKK, Braho përplaset me Gjonin: Ke hyrë në Parlament nga vrima, neonazistët si ty, Çelo Hoxha e Tufa meritojnë burg përjetë

Ndryshon ligji për ISKK, Braho përplaset me Gjonin: Ke hyrë

Kuvendi i Shqipërisë miratoi dje mes debateve projektligjin “Për disa shtesa dhe ndryshime në ligjin nr. 10.242, datë 25.02.2010, “Për Institutin e Studimeve për Krimet dhe Pasojat e Komunizmit në Shqipëri”. Sipas ligjit të ri, Institutit për Krimet e Komunizmit i është përcaktuar se ai do të merret me veprimtarinë e periudhës së komunizmit nga vitet 1945-1990, ndërsa nuk përfshihen vitet 1941-1945, të cilat ish-kreu i ISKK, Agron Tufa i kishte bërë pjesë të hetimeve të tij, duke shkaktuar polemika.

Braho përplaset me Gjonin

Por ndryshimi i ligji për ISKK, ka sjellë edhe fërkimet e para, pasi ditën e djeshme deputeti i Partisë Socialiste, Spartak Braho është përplasur me deputetin e opozitës parlamentare, Ralf Gjonin gjatë seancës plenare. Ka qenë deputeti Gjoni, i cili ka provokuar deputetin Braho, duke e cilësuar socialistin si një çantë të zezë, që tashmë është kthyer në ngjyrë të bardhë dhe po ndryshon historinë e Shqipërisë, referuar ndryshimeve në ligjin për Institutin e Studimeve për Krimet dhe Pasojat e Komunizmit në Shqipëri. Ndërsa Braho iu kthye Gjonit dhe i tha se ai ka hyrë nga vrima si deputet, kurse atë vetë, sipas tij, e ka zgjedhur populli. “Ralf Gjoni ka hyrë në Parlament jo si i votuar nga populli si deputet, por si miu nga vrima politike të LSI. Ndërsa unë kam 24 vjet që më voton, mbështet, më peshon sa vlej populli shqiptar dhe Partia Socialiste. Edhe historinë të luftës antifashiste nuk e kam bërë unë, por vetë populli shqiptar. Atë nuk e bëjnë dot apo ndryshojnë as historianët apo politikanët neoballistë dhe përkrahësit e neonazistëve dhe neofashistëve që janë në modë në disa vende”, deklaroi Braho.

Neonazistë si Gjoni dhe Tufa meritojnë burg

Më tej me tone të ashpra, deputeti socialist, Spartak Braho akuzoi deputetin opozitar, Ralf Gjoni se ai dhe kreu aktual i ISKK, Çelo Hoxha, madje edhe ish-kreu i Institutit për Krimet e Komunizmit, Agron Tufa janë neonazistë që kanë si synim vetëm përbaltjen e Luftës Antifashiste Nacionalçlirimtare. Sipas tij, neonazitë si Gjoni, Hoxha dhe Tufa meritojnë burg për jetë, ndërsa ndau edhe arsyet pse. “Po të jetonte në Europë, qoftë dhe në Greqi, Ralfi, dhe shpirtërorët e tij Agron Tufa, Çelo Hoxha, Romeo Gurakuqi, Dashnor Kaloçi, Ferdinand Dervishi (vjedhës ordiner i arkivave shtetërore të shtetit dhe Ministrisë së Brendshme) dhe babai i tyre shpirtëror Uran Butka etj. për veprimtarinë në përkrahje të ideologjive naziste dhe fashiste do të dënoheshin me “burgim të përjetshëm”, ashtu si nëntë deputetët dhe dhjetëra përkrahësit e ekstremit të djathtë të Agimit të Artë në Greqi. I di Ralfi dhe shokët e tij këto? Mos harrojë se mund t’i vijë radha këtij dendi anglez që shikon me simpati neonazizmin e të djathtës franceze dhe i konvertuar në maroken”, u shpreh ai.

Braho: Ndryshimi i ligjit i tërboi

Megjithatë teksa e cilësoi si të vonuar ndryshimin e ligji për ISKK, deputeti Braho theksoi se arsyeja përse deputeti Gjoni u tërbua ishte pikërisht ky vendim i Kuvendit, përmes së cilit periudha nga ‘41 deri në ‘45 nuk do të jenë pjesë e hetimeve të Institutit. “Kuvendi i Shqipërisë bëri një korrigjim, ndonëse të vonuar, në ligjin e Institutit të Studimeve të Krimeve të Komunizmit duke përcaktuar se në periudhë të komunizmit nuk përfshihen vitet 1941-1945, por vitet 1945- 1990. Ky ndryshim i tërboi disa të djathtë shqiptar në Parlament si dhe disa neoballistë që kanë hyrë nga çatia aty. Por shou më i madh ishte diskutimi i deputetit Ralf Gjoni i ardhur në Parlament nga vrima e LSI, i cili m’u sul mua si autor të këtij ndryshimi, ndërkohë që propozimi për ndryshim bëhej nga gati 15 deputetë të majtë”, nënvizoi Braho.

Më të lexuarat