“Në Amerikë japin dorëheqjen për imoralitetin”/ Evi Kokalari shpërthen keq ndaj Grida Dumës, bën deklaratën e papritur edhe për Gaz Bardhin: Unë e kam problem që ai...

Aktivistja shqiptaro-amerikane Evi Kokalari sulmoi mbrëmjen e djeshme disa herë deputeten e PD-së Grida Dumën.

Në rrëfimin e saj, Kokalari tha se Duma ishte një personazh i promovuar nga ish-kryeministri Sali Berisha që tani i ka kthyer shpinën, teksa sipas saj pret për të përfituar sërish. Ndërkohë që nuk la pa përmendur as Gazment Bardhin, edhe pse nuk qëndroi gjatë tek akuzat ndaj tij.

"Më vjen keq që kam dalë hapur kundër Gridës. Duhet të flasim për të gjitha. I kisha të provuara të gjitha ata që fola për jetën e saj private. Ajo nuk foli fare. Kanë një tangërllik këto që unë nuk e di... Unë i flisja, ia bëra reputacionin "trash", ajo rrinte. Unë e kam problem që Gaz Bardhi që nuk është i hapur me veten. Të lutem mos më fusni në telashe. Në Amerikë japin dorëheqjen për moralitetin. Sali Berisha ka bërë shumë për gocat. Ajo ka kaluar në ekstremin tjetër, Berisha i ka bërë karrierën kësaj dhe kjo i tha Lul Bashës mua do më kesh gjithmonë nga pas. Ajo po pret tani të shohë nga fryn era. Është ambicioze. Nuk ka integritet ajo,"-tha Evi Kokalari.