BREAKING NEWS

Vihet në dyshim besueshmëria e OBSH, nxjerr një tjetër version duke përhapur alarm: Po, ka prova që koronavirusi transmetohet nga ajri

Vihet në dyshim besueshmëria e OBSH, nxjerr një tjetër
x

Politike

“Ne na ka plasur cipa”, Astrit Patozi nxjerr prapaskenat e takimeve të Komisionit të Venecias dhe hedh akuzat e rënda: Merremi me makinën e blinduar të Ramës! Qeveria e ka rrahur ujin në hava!

“Ne na ka plasur cipa”, Astrit Patozi nxjerr prapaskenat e takimeve

Kreu i Bindja Demokratike, Astrit Patozi ka komentuar takimet që po zhvillon Komisioni i Venecias në vendin tonë.

I ftuar në ABC News, Patozi u shpreh se Shqipëria është shndërruar në një shtet kartoni ku asnjë institucion më nuk funksionon siç duhet.

Sipas tij të gjithë institucionet janë lënë në rënie të lirë pa frena dhe pa doganë, duke bërë që ekspertët e Venecias të merren tashmë me çështje që duhet t’iu kishim dhënë zgjidhje vetë.

“Kur shikoj se eksponentët e Venecias vijnë në Tiranë me çanta në duar çdo dy ditë me vjen keq se ne u kemi dërguar aq shumë çështje sa jemi bërë qesharak. Ne na ka plasur cipa dhe çështjet atje mund të jenë dhe më shumë se vetëm ato që kemi çuar. Kjo tregon se të gjithë institucionet e shtetit shqiptar janë në një rënie të lirë pa frena dhe pa doganë. Nuk dua të interpretoj nëse ka apo jo presidentin në emërimet, por di të them se vonesa e Kushtetueses është e qëllimshme, pasi të gjithë palët kanë futur duar në vonesën e saj pasi e cilësojnë si një pikë të rëndësishme të cilat kanë dosje për fatet politike të disa personazheve. Mungesa e Kushtetueses në një shtet prej kartoni siç është Shqipëria mund të përdoret dhe po keqpërdoret, në një vend tjetër mungesa e Gjykatës Kushtetuese nuk do të ndodhte. Kjo bëhet sa më e shtyrë si çështje presidenti thotë kushtetuta është e imja, Kuvendi nga ana tjetër është e imja”, tha Patozi.

Ndërkohë pyetjes së gazetares Juli Xhakoxhi se si e shikon nismën e marrë nga qeveria përmes paketës Anti-KÇK është shprehur se me këtë nismë duket se qeveria ka pranuar kapitullimin e saj prej 6 vitesh e gjysmë.

Kreu i Bindjes ndër të tjera  se qeveria e Edi Ramës është një qeveri e korruptuar dhe me fije të kapura me krimin.

“Paketa Anti KÇK ka pranuar kapitullimin e saj, ka pranuar se për 6 vjet e gjysmë ka rrahur ujin në havan. Kjo që demostron qeveria sot nuk është shenjë force por dobësie, se të ishte e fortë nuk kishte nevojë për Anti KÇK ke legjislacionin pse nuk merremi me të drejtat e njeriu por dy nga kauzat që opozita i ka pranuar dhe ka qenë nismëtare dekriminalizimi dhe reforma në drejtësi kanë kapërcime kushtetuese dhe e kemi bërë me koshiencë këtë, çfarë merremi më me këtë pjesë dhe po të merremi me këtë pjese ne do i bëjmë nder qeverisë që do thotë këto po merren me kriminelet ndërsa ne po i luftojmë. E rëndësishme është që tu themi njerëzve se cila është e vërteta dhe të mos merremi se është apo jo e blinduar makina e vëllait të kryeministrit. Kjo është një qeveri e korruptuar dhe me fije të kapura me krimin,” është shprehu kreu i Bindjes Demokratike.