Në qeli për abuzim me tendera, Klodiana Lala zbulon deri në sa vite burg rrezikon Vangjush Dako

Arrestimi i ish-kreut të bashkisë së Durrësit Vangjush Dako, është ngjarja e javës dhe jo vetëm.

Gazetarja Klodiana Lala ka dhënë detaje të reja mbi ngjarjen, ndërsa ka deklaruar se para arrestimit zoti Dako ka takuar persona me të cilët kishte bashkëpunuar në zgjedhjet lokale të 14 majit.

Lala ka deklaruar se ish-kreu i bashkisë Durrës rrezikon deri në 7 vite burg, por se situata e tij mund te rëndohet për sa kohë SPAK ka vullnetin të zgjerojë hetimeve.

Ajo shtoi se arrestimi i Dakos ishte një mesazh si dhe ka vënë në vështirësi politikën, pasi janë të pasigurt për atë që mund të ndodhë pas prangosjes së krahut të djathtë të kryeministrit Edi Rama.

Lala ka treguar edhe se si ish-kryebashkiku i Durrësit përfundoi në një qeli me Alqi Bllakon në burgun e Durrësit.

Pjesë nga diskutimi në studio:

Nisida Tufa: Mund të ketë zgjerim të hetimit?

Klodiana Lala: Ka hetim pasuror. Ka të tjera çështje nën hetim, nëse ka vullnet mendoj që SPAK duhet të mbështetet.

Nisida Tufa: Cilësohet Dako një nga peshqit e mëdhenj?

Klodiana Lala: Për mua po. Mendoj që ai është një kampion. Është përzgjedhur si kampion sepse deri tani nuk ishte prekur, shihej si kampion i pandëshkushmërisë. Është personazh arrestimi i të cilit ka stepur edhe politikën duke menduar çdo të ndodhë me ne kur ka shkuar pas hekurave krahu i djathtë i kryeministrit.
Kryeministri minimalisht i detyrohet votuesve një falje për të mos shkuar më tej.
Ka deklaruar: Me siguri diçka ka ndodhur, edhe kur e sheh si mund të përdoret forca e pushtetit të drejtësisë për të bërë edhe gjëra që nuk shkojnë, duket i pakënaqur me SPAK.

Nisida Tufa: Sa vite burg rrezikon Dako?

Klodiana Lala: Me akuzat deri tani rrezikon deri në 7 vite burg. Por nëse do ketë mbështetje, SPAK mund ta shtrij edhe më tej hetimin. Ka plot prova e fakte që mund të rëndojnë ndjeshëm situatën e ish kreut të bashkisë së Durrësit.