BREAKING NEWS

Komunikimi i paqartë/ Ministria bën “lëmsh” federatat, në urdhrin zyrtar lejohet vetëm… kampionati i futbollit

Komunikimi i paqartë/ Ministria bën “lëmsh”
x

Politike

Nën akuzën për shpifje ndaj Veliajt, Gjykata e Tiranës merr vendimin për ish-deputeten Albana Vokshi

Nën akuzën për shpifje ndaj Veliajt, Gjykata e Tiranës merr

Gjykata e rrethit gjyqësor Tiranë ka marrë vendimin sot për ish-deputeten e Partisë Demokratike, Albana Vokshi e cila akuzohet për shpifje ndaj kryebashkiakut, Erion Veliaj.

Sipas verdiktit të gjykatës, ish-deputetja e PD-së, i detyrohet t’i paguajë një dëmshpërblim moral prej 1 milion lekësh kryetarit të Bashkisë së Tiranës. Veliaj e kishte paditur Vokshin për shpifje, lidhur me disa deklarata qe ish deputetja demokrate kishte bere nga selia e PD.

Pak kohë më parë kryebashkiaku Veliaj fitoi gjyqin edhe ndaj ish-këshilltarit të PD-së, Akil Kraja, i cili u denua për shpifje. Lekët e dëmshpërblimit prej 1 milion lekësh Veliaj i dhuroi për pajisjen me kompjutera të shkollës “Isa Boletini” në Kodër-Kamzë.

Kryebashkiaku Veliaj ka deklaruar se lekët e dëmshpërblimit për çdo gjyq me deputetët e PD do të shkojnë direkt në “Fondin e Edukimit”, i cili është krijuar për të mbështetur çerdhet, kopshtet, bibliotekat e shkollave, nxënësit e mirë të çdo komuniteti, me libra, kompjutera apo materiale mësimore.