“Nëse ke vendosur ta kalosh një jetë me këtë tufë ministrash atëherë do katandisemi shumë keq”/ Shpëtim Nazarko lëshon alarmin: Jemi në një situatë të keqe

Analisti Shpëtim Nazarko në MCN Live ka komentuar mbi deklaratat e kryeministrit Rama për heqjen e fashës së energjsë elektrike prej 800 kw/h.

Ai tha se ne jemi në një situatë shumë të keqe dhe se deklaratat për heqjen e fashës për shkak të përmirësimit të motit janë thjeshtë përralla. 

Sipas Nazarkos, ministrat janë vetëm figura publike për politikë, ndërsa shtoi se shteti qeverisë në emergjencë edhe në kohë paqeje.

"Për njerëzit e rritur në komunizëm parullat kurseni këtë dhe atë në momente të caktuara në këto kohë dhe justifikohen sepse vihet re se në periudha të ngushta teknikat e shtrëngimit të shtetit edhe funksionojnë, por problemi në demokraci është se ato konsiderohen përralla. Pa diskutim edhe pse janë këshilla të vlefshme të çojnë në një përçmim të autoritetit vendor. Kemi folur gjithë verës në lidhje me energjinë, Shqipëria prej 10 vitesh ka hedhur 23 mega në përdorim që është shumë pak. Ne jemi në një situatë shumë të keqe që tregon një qeverisje e cila ndryshon nga qeverisjet me planet strategjike u katandis si qeverisjet e viteve ’90, ku kryeministri vrapon si brigadier andej-këtej për ti mbyllur. Pra ajo që ai i premtoi popullit se do hiqte fashën s u përmirësua moti kjo është përrallë pa vlerë. Ai më mirë të marrë një kamxhik dhe tu hyjë ministrave se ata janë për të bërë politika. Ministrat duhet të thonë se çfarë është bërë se ka mbi 1 mld dollarë për fotovoltaikët, së dyti ajo lëkundja e Ramës tregoi se në kohë të vështira ne mund të kemi probleme të mëdha. Dhe sa i përket fjalës së Ramës që do heqim fashën, ERE tha jo s’do e heqim, pra kë duhet ne të besojmë. Këta duhet të merren vesh me njeri-tjetrin. ERE duhet ta thoshte këtë dhe jo të dalë kryeministri. në fu7b d të tetort, kemi të bëjmë me një shtet që vazhdon të qcerisë  vetëm në emergjencë në kohë lufte, por edhe në kohë paqeje. Shqipëria gjendet e papërgatitur, të gjithë marrin angazhime që i harrojnë pas kalimit të krizës", u shpreh Nazarko.

Më tej ai u shpreh se Rama duhet ti thërrasë mendjes dhe të kuptojë se qeverisja tani duhet të bëhet me batalione të mëdha, në krah duhet të qëndrojnë njerëz me bagazh dhe jo të qeveris me një tufë ministrash që s’kanë hedhur asnjë ide.

"Nëse ke vendosur ta kalosh një jetë me këtë tufë ministrash atëherë do katandisemi shumë keq. Po ndjek grevën e pedagogëve e cila nuk zgjidhet me para. Ata janë e vetmja shpresë për Shqipërinë. Mos mendoni se do gënjejë Rama me rritje 3%, 5 %, ai duhet të ndërtojë politika. Është e pamundur që me metoda të këqija të çosh shtetin përpara. S’mund të ndërtojmë shtetin me metoda të komunizmit. Është e pamundur të ecim përpara me metoda të gabuara, ajo që kërkohet janë mundësitë nga shteti", theksoi analisti.