Nëse vdes kryetari si regjistrohet partia? Analisti i njohur reagon mbi vendimin e Celibashit për PD-në

Analisti Alban Daci, komentoi situatën në PD, e cila ende nuk është regjistruar në zgjedhjet e 14 majit.

Vendimin e Ilirjan Celibashit, Daci e konsideroi absurd ndërsa solli dhe një shembull duke thënë se si do të procedohej në regjistrimin e një partie nëse kryetari saj vdes 24 orë para se partia të regjistrohet. Këtë e tha në një intervistë për Euronews Albania, ndërsa shtoi se nuk ka asnjë dyshim që PD do të regjistrohet në zgjedhje.

“Kriza në PD nisi si krizë personale, përfundoi në krizë politike dhe aktualisht që po flasim jemi në një diskurs të mirëfilltë politikë.

Po në rast se 24 orë para se të regjistrohet një parti politike kryetari i saj vdes në një aksident tragjik, si do të procedohej me regjistrimin e kësaj partie politike. PD sipas regjistrit, Basha e ka deleguar kompetencën e tij përderisa ka dhënë një dorëheqje.

Të gjithë presidentët e vendeve demokratike nuk parashikojnë zgjedhje. KQZ nuk ka asnjë lloj kompetence që të interpretojë vendimet e gjykatës. Vendimet e Gjykatës janë detyrimisht të zbatueshme. Unë nuk kam asnjë lloj dyshimi që PD do të regjistrohet në zgjedhje.  Ajo që ne na shqetëson është se sa do të jetë në gjendje PD-ja të rigjejë kauzat politike të saj.”- tha ai.