Ngjela mesazh shqiptarëve për 28 nëntorin: Berisha i sëmur mendor dhe skizofren që urren gëzimin e qytetarëve, përbuzeni e përçmojeni

Avokat i njohur, Spartak Ngjela ka regjura ashpër, pasi ish-kryeministri Sali Berisha zgjodhi që të bënte politikë dje në ditën e Pavarësisë. Përmes një statusi në rrjetet sociale, avokat Ngjela e cilësoi Berisha një të sëmur mendor që urren gëzimin e shqiptarëve, duke iu kërkura qytetarëve që ta përbuzin e përçmojeni atë. “Kur një lider politik, edhe në një ditë feste kombëtare, merret me kundërshtarin e vet politik, por jo me gëzimin e shoqërisë së tij, ky lider, në brendësi të psikikës së tij, urren popullin e vet... Po patë një të tillë, kurrë mos iu afroni... përcillni me përbuzje dhe përçmim... E dini pse? Sepse ky lloj njeriu urren gëzimin e shoqërisë se tij. Këta tipa të sëmurë mendërisht, i shtyn urrejtja e tyre që të mendojë me mllef për prishjen e këtij gëzimi mbarë-shoqëror. Ata këtë natyrë e kanë pasion patologjik. Vërtetësish, këta nuk e arrijnë dot këtë qëllim absurd, por, duke menduar në lajthim se ua kanë prishur festën bashkëkombasave, këtyre iu lehtësohet mllefi i tyre skizofrenik. Sepse, si rregull, këta tipa janë skizofrenë. Në fakt kjo... Është tani një aksiomë e njohur psikologjike, për psikikën e një lideri të shitur, që është shitur se urren popullin e vet... dhe iu shërben armiqve pushtues të vendit të tij”, shkruan ai.  Ndërkohë Ngjela uron edhe festën e Flamurit. “Gëzuar festën e flamurit! Historia jonë e re që filloi jetën në këtë datë të këtij muaji, ishte pak dritë në padrejtësi. Një vuajtje shpirtërore e dy Shqipërive të tjera të shqiptarëve jashtë saj, që gëzoheshin për pavarësinë e Shqipërisë së vogël. E vogël por me shpresë. Dhe gjendja eci. Dhe gjindja u gjallërua, sidomos me Shkabën e flamurit Kuqezi, që do t'i shumonte me vrull dhe zjarr gëzimi shqiptarët, kudo dhe të gjithë rreth Shqipërisë. Dhe shpresa ecte, derisa koha mbërriti: Kosova u çlirua. Shqiptarët tani ecin. Dhe gjendja ndryshoi drejt forcës dhe madhësisë”, nënvizoi Ngjela.