Ngjela: SPAK s’ka goditur nivelet e larta, është e trembur, vetëm politika amerikane mund të vendosë drejtësi në vend

Avokati i njohur Spartak Ngjela ka folur dje për arrestimet e fundit të SPAK, megjithatë ai nuk është fort i bindur se po e kryen punën siç duhet.  I ftuar dje në një media, Ngjela thotë se akoma SPAK nuk ka goditur ende rangjet e larta të korrupsionit. Avokati i njohur shpjegon se korrupsioni është fenomen në momentin që ka në qeveri, e për këtë fakt SPAK do duhet të merret me ish kryeministra, ministra, zv ministra e pse jo me kryeministra aktual. “SPAK akoma nuk shtënë nivele të larta. Këta nuk janë të paprekshëm absolut. Një kryetar bashkie është prekur. Ne po presim goditjen e një korrupsioni në rangje të larta. Nëse kryeministrat dhe ministrat janë të korruptuar janë të korruptuar të gjithë. Korrupsioni kur bëhet fenomen fillon nga qeveria. Kontrolli që ka qeveria në pushtetin vendor ja kalon prokurorisë. Nëse është qeveria e korruptuar, prokuroria lë çështjet. Tani flasim për kohën tonë. Duhet të flitet për rangjet e larta të ekzekutivit. Ata e kanë sjellë korrupsionit. Po të mos korruptohet dot qeveria nuk korruptohet dot askush”, deklaroi ai. Ndërkohë sipas tij, SPAK është i trembur, dhe vetëm politika amerikane do mund të vëri drejtësinë në vend dhe të luftojë korrupsionin. “Janë të trembur, po për ça i duam ne këta. Se ka SPAK e ka politika amerikane. Besim nuk kam te këta”, nënvizoi Ngjela.