Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

“Një ngjarje e rëndë në Komision”, LSI del me deklaratën e jashtëzakonshme: Qeveria të heq dorë menjëherë!

Postuar: 10/10/2019 - 13:12

Nënkryetarja e LSI-së Erisa Xhixho ka dal sot në një konferencë të jashtëzakonshme për të denoncuar një ngjarje e rëndë që ka ndodhur siapas saj disa ditë më parë në Komisionin Parlamentar të Ekonomisë.

Xhixho tha se komisioni ka kaluar një projektligj që është legjitimim i hapur i vjedhjes së pronës private dhe publike.

Bëhet fjalë për Pr/ligjin e “Korporatës së Investimeve Shqiptare”, për të cilin nënkryetarja e LSI-së deklaron se cenon sigurinë juridike dhe fizike të pronës private e publike.

Xhixho arsyetoi se sipas këtij pr/ligji qeveria krijon Korporatën dhe me VKM i kalon asaj truall e prona të caktuara në kapitalin e saj të cilat do shërbejnë më pas si kapital fillestar në treg. Ndaj thotë ajo, ky është një abuzivitet skandaloz pasi ende nuk ka një listë të saktë për pronat që mund të përdoren nga korporata.

“Ndërkohë mënyra dhe kriteret e vlerësimit të pronës publike mbeten abuzive, duke krijuar premisë që ajo të zhvleftësohet dhe të tjetërsohet me një të rënë të lapsit nga qeveria Rama tek çdo oligark i saj”, u shpreh Xhixho, e cila i ka bërë thirrje qeverisë të heqë dorë.

DEKLARATA E PLOTË

Një ngjarje shumë e rëndë ka ndodhur në Komisionin e Ekonomisë të Parlamentit monist të rilindjes.

Fjala është për Pr/ligjin e “Korporatës së Investimeve Shqiptare” që kaloi në Komisionin e Ekonomisë para disa ditësh e cila është legjitimim i hapur i vjedhjes së pronës private dhe publike.

Korporata është një mekanizëm grabitqar i kryeministrit Rama për të tjetërsuar pronën publike dhe private.

Ku konsiston kjo vjedhje shtetërore:

Ky pr/ligj shkel Kushtetutën e vendit pasi cënon sigurinë juridike dhe fizike të pronës private e publike.

Sipas këtij pr/ligji qeveria krijon Korporatën dhe me VKM i kalon asaj truall e prona të caktuara në kapitalin e saj të cilat do shërbejnë më pas si kapital fillestar në treg. Ky është një abuzivitet skandaloz.

Pasi ende nuk ka një listë të saktë për pronat që mund të përdoren nga korporata. Ndërkohë mënyra dhe kriteret e vlerësimit të pronës publike mbeten abuzive, duke krijuar premisë që ajo të zhvleftësohet dhe të tjetërsohet me një të rënë të lapsit nga qeveria Rama tek çdo oligark i saj.

Në këtë pr/ligj të cilin nuk e shpëtojnë dot as kozmetikat e gjoja të ndryshuar për nenin e prokurimit publik, pasi përsëri ka vakum ligjor , mungesë transparence dhe paqartësi të rrezikshme për mënyrën si do të zbatohet.

Korporata gjithashtu i jep të drejtë vetes për të marrë kredi duke përdorur si garanci pronat publike.

Kjo skemë mafioze pa dyshim është në filozofinë e PPP të cilave i ka ardhur fundi duke rrezikuar të rrisë dhe të fshehë borxhin publik që sot është në kuotat 70%. Por çfarë ndodh nëse falimenton projekti? Fare thjeshtë prona publike do i kalojë bankës.

Gjithashtu ky ligj dhunon e shkel në mënyrë flagrante “Ligjin për Qeverisjen Vendore”, autonominë vendore që ashtu si në rastin e ligjit special për teatrin që u dhunua totalisht vendimmarrja e Këshillit Bashkiak edhe pse një detyrim ligjor , tashmë ky precedent kthehet në normë duke qenë se çdo pronë publike me justifikimin e një projekti investimi strategjik vetëm me VKM mund t’i transferohen të drejtat e përdorimit, të pronësisë nga pushteti lokal apo qendror tek fondi i Korporatës.

Ky projektligj vjedh pronën private me VKM me justifikimin e interesit publik, ku më të rrezikuara padyshim janë së pari pronat në bregdet të cilat mund t’i dhurohen oligarkëve pranë qeverisë për të ndarë së bashku fitimet.

Ky është një ligj totalisht klientelist që grabit pronën private dhe publike e në këtë mënyrë padyshim cenon procesin e integrimit europian të Shqipërisë, ku një nga kushtet që së fundmi Bundestagu Gjerman i ka vendosur Shqipërisë për hapjen e negociatave është pikërisht garantimi i plotë i të drejtës së pronës.

Ligji i jep të drejtën e pronësisë mbi publiken dhe privaten vetëm një njeriu, kryeministrit Rama për të administruar për interesat e tij dhe oligarkëve të tij pronat e shqiptarëve.

Pra kryegrabitqari ligjërohet të jetë Edi Rama dhe klientët e tij oligarkë.

I bëjmë thirrje qeverisë që të heqë dorë menjëherë nga ky ligj i cili është një atentat dhe grabitje e hapur masive e pronës publike dhe private.

Në rast se qeveria e kapur këmbëngul në miratimin e tij e garantojmë që ky ligj do të jetë shkurtër dhe si ligji ashtu edhe pasojat e tij do të anulohen menjëherë në momentin që opozita do të marri qeverisjen e vendit në duart e saj.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 21/10/2019 - 23:59

Kryeministri Edi Rama ka nisur aksionin pas mos hapjes së negociatave me BE.

Postuar: 21/10/2019 - 23:52

Kreu i LZHK-së, Dashmair Shehi  tha se është i gatshëm për të hyrë në zgjedhje të parakohshm

Postuar: 21/10/2019 - 23:45

Deputeti socialist Taulant Balla tha se Partia Socialiste nuk mbron askënd, por vë drejtësinë të

Postuar: 21/10/2019 - 22:55

Deputeti socialist Taulant Balla u shpreh se Kodi i Ri Zgjedhor do të votohet deri në fund të kët

Postuar: 21/10/2019 - 22:33

Ish-deputetja e Partisë Demokratike, Grida Duma tha se opozita ia la të gjitha pushtetet Edi Ramë

Postuar: 21/10/2019 - 22:20

Kreu i LZHK-së, Dashamir Shehi  tha se kryeministri Rama po synon që çdo pushtet ta ketë nën

Postuar: 21/10/2019 - 22:15

Gazeta prestigjioze amerikane Financial Times ka sulmuar në mënyre të ashpër vendimin e Këshillit