BREAKING NEWS

“Nuk ka arsye që ta mbajmë pagën minimale aty, por...”, Rama jep lajmin fantastik për shqiptarët

“Nuk ka arsye që ta mbajmë pagën minimale aty,
x

Politike

Një tjetër skandal grabitje në spital, i vodhi para pacientit tek Infektivi, arrestohet nga policia infermierja 30-vjeçare

Një tjetër skandal grabitje në spital, i vodhi para pacientit tek

Pas skandalit të “Tires”, një tjetër skandal ka shpërthyer tek spitali Infektiv. Infermierja Jonida Hysa, është arrestuar nga Policia e Tiranës, për akuzën e “Vjedhjes duke shpërdoruar detyrën” pasi i ka marrë portofolin një pacienti dhe më pas me kartën e tij ka tërhequr paratë në bankë. Ndalimi i saj u bë pasi në bazë të pamjeve filmike rezulton se ajo është autorja e vjedhjes së një shume parash në portofolin e pacientit K. D., që ishte i shtruar tek Covid-1. Pas kallëzimit të bërë nga djali 25-vjeçar i të ndjerit, ai ka deklaruar se nga llogaria bankare e të atit ishte tërhequr shuma 60.000 lekë. Sipas denoncimit të tij, babai iu shtrua në spital më 22 Dhjetor 2020 dhe humbi jetën më 27 Dhjetor 2020. Ai vuri re se brenda portofolit mungonin 200 mijë Lekë të vjetra dhe në të ndodheshin vetëm 2 mijë Lekë të vjetra. Edhe karta e bankës së bashku me shënimin për kodin pin mungonte. Djali thotë se ka vënë në dijeni edhe infermieren, me të cilën fliste për shëndetin e të atit, por ajo ka refuzuar ta denoncojë këtë akt. “Më datë 22 është shtruar, në datë 23 unë kam folur me babanë dhe tha jam mirë. Më datë 24 e ditët në vazhdim unë me babanë nuk kam folur më, ja kanë marrë telefonin dhe nuk kam pasur asnjë kontakt me babanë. Hapa gjërat personale të babait dhe aty shoh që në portofol mungonte karta e bankës dhe 200 mijë Lekë të vjetra që ka pasur në portofol”, tha në denoncimin e bërë djali i viktimës. Ndërkohë në njoftim e bërë nga policia thuhet se pas kallëzimit të bërë nga djali i viktimës infermierja është vënë në prangat e policisë, pasi janë marrë në shqyrtim dhe pamjet filmike. “Ndalimi i kësaj shtetaseje u bë pasi në bazë të pamjeve filmike rezulton si autorja e vjedhjes së një shume parash në portofolin e shtetasit K. D., i cili ka qenë i shtruar në spitalin infektiv, ku ka ndërruar jetë nga COVID-19. Pas kallëzimit të bërë për këtë ngjarje, nga djali i të ndjerit, shtetasi F. D., 25 vjeç, i cili ka deklaruar se nga llogaria bankare e të atit ishte tërhequr shuma 60.000 lekë, specialistët për Hetimin e Krimit në Komisariatin e Policisë kanë organizuar punën për identifikimin e autorit”, njofton policia.