Noka kërcënon Alibeajn: Nuk ta falim ‘përdhunimin’ e logos së PD, ajo parti ka përmbysur regjimin komunist

Deputeti demokrat, Flamur Noka i ka dërguar një mesazh Enkelejd Alibeajn, pas vendimit që u mor nga KAS për të regjistruar PD në zgjedhjet e 14 majit me emrin e këtij të fundit. Në një emision televiziv, Noka theksoi se nuk do e falë kurrë Alibeajn  për atë që i ka bërë logos së Partisë Demokratike.“Po merremi me faktin sepse është tragjedi për demokracinë. Ajo logo, ajo parti ka përmbysur regjimin komunist. Përdhunimin e asaj nuk e falim kurrë. Mund të falim përdhunimin e bravës dhe të Alibashës, por përdhunimin e asaj logos nuk ia falim kurrë”, theksoi ai. Noka u shpreh se gjyqtarët që i dhanë vulën Alibeajt janë kërcënuar me jetë.“Ata gjyqtarë janë kërcënuar me jetë. Treshja e gjyqtarëve është kërcënuar me jetë, me familje, me karrierë. Ata që u detyruan të merrnin vendim t’ia japin logon pengun. Janë kërcënuar dhe kanë shkuar kërcënime shumëfishe. Shko pyeti, jo nga ne. Unë nuk jam për të kërcënuar, problemin e kam me Edi Ramën”, deklaroi ai. Më tej Noka është shprehur se pas vitit 2013 kryeministri Edi Rama nuk i ka fituar asnjëherë zgjedhjet me meritë, por duke manipuluar dhe vjedhur votat. “Ai paguan gjithçka, ai paguan ambasadorë, ai paguan McGonigal. Edi Rama është vetëm fasadë. Pas 2013, kurrë nuk ka qëndruar asnjë ditë me votë. Gjithmonë me votë të blerë dhe të manipuluar.  Në 2013, sikur të donte Sali Berisha, ata kriminelët që luftuan Ramën për ta sjellë në pushtet, i kontrolloja vetë po të doja, isha ministër i Brendshëm”, nënvizoi Noka.