‘Nuk do të kisha asnjë hezitim’, habit Meta, del pro vendimit të kryeministrit Rama

Presidenti Ilir Meta, ka 'habitur' me qëndrimin e tij duke mbështetur vendimin e kryeministrit Rama për rritjen e rrogave të mjekëve dhe infermierëve duke filluar nga viti i ardhshëm.
Ai u shpreh se këtë vendim të Ramës nuk e sheh si mënyrë për të tërhequr votuesit, por nëse do të ishte e mundur ai do t’i dyfishonte rrogat e punonjësve të sistemit shëndetësor.

“Edi Rama nuk ka kujt i ankohet. E pengon Lulzim Basha që të rrisë buxhetin për shëndetësinë? Kush e pengon për të ndaluar dhënien e koncesioneve në këtë periudhë pandemie?

A ka mundësi të dyfishojë? Sepse biznesi më i suksesshëm sot është mësimi i gjermanishtes që mjekët të ikin në Gjermani. Për 1000 banorë Shqipëria ka 30-50% infermierë dhe mjekë më pak se shtetet e tjera të rajonit pasi tek ne ka shpopullim. Nuk do të kisha asnjë hezitim edhe të dyfishoheshin rrogat.

Çdo reflektim është pozitiv. Sot të ndërpresë pagesat e PPP për vitin që vjen. Edhe pajisjet me oksigjen qeveria t’i blejë në tregun ndërkombëtar. Qeveria të reflektojë të mos rrisë pagesat e PPP për vitin e ardhshëm. Shëndeti është prioritet sepse mbajtja në kontroll e pandemisë do të na ndihmopjë për rimëkëmbje të shpejtë”, tha Meta.