“Nuk kemi gjë në terezi jo”/ Shpërthen Manjani dhe ngre alarmin për atë që po ndodh në vendin tonë: Dita e sotme shënon krizën...

Ish-ministri i Drejtësisë, Ylli Manjani ka ngritur alarmin se sot vendi ynë shënon krizën politike e Kushtetuese. Djegia e raundit të parë të zgjedhjes së Presidentit të ri të vendit, Manjani shkruan se kjo tregon se sa i kalbur është sistemi politik në vend.

“Në Republikën Kryeministrore të Shqipërisë, Presidenti  duhet të jetë vartës i Kryeministrit.

Si gjithë të tjerët xhanëm. Parlamenti, drejtësia, ministrat e administrada po e po, opozita, madje edhe bisnesi janë nën Kryeministrin.  Ata mund të rrinë pranë ose rreth Tij, por kurrë mbi apo Atë apo të pavarur nga Ai siç autorizon Kushtetuta.

Dita e sotme shënon krizën politike e kushtetuese në vend. Duhet të votohet për President por askush në Parlament nuk guxon të paraqesë një kandidat!!!

Kjo tregon se sa i kalbur është sistemi politik në vend.

Kjo tregon se në ç'dekadencë ka rënë organizimi dhe hierarkia politike e shtetit.

Kjo tregon se kushtetuta nuk është më themeli i shtetit, por rregullore e kryeministrisë. Sipas kësaj rregulloreje Presidenca është thjesht kaldajë që punon kur i hedh qymyr qeveria...

Nuk kemi gjë në terezi jo!

Reformat nuk mjaftojnë më. Rilindjet e rikthimet jo e jo.

Duhet përmbysje... “, shkruan Manjani.