“Ore, çfarë jeni duke bërë?”/ Ylli Rakipi ‘vendos me shpatulla pas murit’ bashkëpunëtorin e Berishës për aksionin e opozitës

Deputetët e Partisë Demokratike bllokuan sërish sot foltoren e sallës së seancave plenare dhe hodhën flakadanë, por kjo nuk e pengoi shumicën parlamentare që të kalonte në parim, pa asnjë debat, brenda 4 minuta e 19 sekondave, projektbuxhetin e vitit 2024.

Drejtori i komunikimit në selinë blu, Alfred Lela, i ftuar në emisionin “Të Paekspozuarit”, u pyet nga moderatori Ylli Rakipi për aksionin politik që po bën opozita, të cilin tha se nuk e kuptonte, si shumica e njerëzve që presin që opozita të ketë edhe një plan tjetër veç bllokimit të punimeve të Kuvendit.   

Ylli Rakipi: Pyetja ime është shqetësuese, jo vetëm për mua, por edhe për shumë njerëz në vendin ku jetojmë. Cili është aksioni i opozitës sot? Është një pyetje shumë e hapur. Nuk e bëj si kundërshtarët tuaj që janë meskinë dhe të vegjël, por po të bëj një pyetje të sinqertë: ore, çfarë të kuptojmë ne tani? Se e di ça bën? Merr, mbledh popullin shqiptar, sa ke ti e nxjerr në shesh e nxjerr zvarrë Edi Ramën, e rrëzon. Çfarë jeni duke bërë?

Alfred Lela: Shumë e qartë. Po ta them në anglisht, po edhe në shqip.

Ylli Rakipi: Në anglisht jo shumë gjatë se kan qenë njëri këtu…

Alfred Lela: Nocioni vjen nga anglishtja. Quhet disruption (ndërprerje), pra opozita, e vendosur me shpatulla pas murit, po i bën ndërprerje marrëzisë së maxhorancës. Se nuk ka mënyrë tjetër. Ti je gazetar prej shumë vitesh dhe i ke ndjekur zhvillimet politike..

Ylli Rakipi: P.sh. moslejimi i komisioneve parlamentare është katastrofë, por nëse popullit do t’i thuhej sot se ç’është ky buxhet, ndoshta ndihmonte më shumë se flakadanët. Këtu e kam unë: step by step dhe gjëra të ndryshme. Se sot populli nuk kuptoi gjë fare se ç’ishte ky buxhet.

Alfred Lela: Ju mendoni se opozita e ka penguar buxhetin? E dëgjuat Ramën të bënte dëgjesa për buxhetin? Ja opozita nuk e la të fliste, po Rama e kishte të ndaluar? Para disa javësh ai tha : Le të bëjë ç’të dojë opozita, unë do të dal në dëgjesa. Nuk e dëgjuam, as me grupet e interesit. Është si herët e tjera, me forcën e kartonit, 73 deputetë. Nuk është se opozita u ngrit një mëngjes me dëshirën për të bërë zjarr. Se jeni të gjithë këtu gazetarë veteranë. Po nuk ka ndodhur as në 1996-1997 ai rrethim me gardistë, duke I kontrolluar deputetët deri në..

Ylli Rakipi: Rrethime kanë ndodhur, por komisionet parlamentare nuk janë bllokuar. Janë plagosur edhe njerëz aty, po lëre tani.  

Ylli Rakipi: Azem Hajdari, po nuk po vë gishtin mbi palët, por komisionet parlamentare nuk janë ndaluar. Por unë z. Lela vijoj, sinqerisht, të mos e kuptoj aksionin politik. Se mund të mos dalë gjë dhe ka një plan B, një plan C.