Pak orë para mbledhjes së Kryesisë së PS, zbulohen dy kandidaturat për Bashkinë e Vlorës, por ja çfarë po ndodh në Shkodër, voton Asambleja

Partia Socialiste ka dy emra për bashkinë e Vlorës, të cilat po votohen nga Asambleja.

Bëhet fjalë për Ermal Dredhën, ish-ambasador dhe Fate Velajn, ish-deputet dhe ish-këshilltar i kryeministrit Edi Rama dy emrat që po votohen dhe njëri prej tyre do të jetë kandidat i PS-së për kryetar Bashkie në Vlorë.

Po sot Rama mbledh kryesinë e PS, ku në fokus do të jenë zgjedhje e 14 majit dhe kandidatët socialistë.

Burime brenda PS bëjnë të ditur se nga 61 bashki shumica e kandidatëve do të jenë rikonfirmime, ndërkohë që deri tani vetëm dy do të jenë deputetë që lënë mandatin dhe garojnë në 14 maj.

Kështu siç është konfirmuar prej kohësh, emri i parë është ai i Benet Becit që do të garojë në Shkodër përballë Bardh Spahisë së koalicionit opozitar. Ndërsa emri i dytë është ai i Besjan Ajazit deputetit që lë mandatin për të garuar për bashkinë e Gramshit.