Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Pakti Kombëtar i Mirëqenies Sociale, Veliaj: Kemi të hapura sot 105 kantiere, 10 mijë të punësuar shumica prej tyre nga zyrat e punës

Postuar: 20/03/2017 - 11:32

U nënshkrua sot Pakti Kombëtar i Mirëqenies Sociale i cili bën bashkë për herë të parë të gjithë partnerët që veprojnë në fushën sociale duke synuar ngritjen e një sistemi të integruar përkujdesi shoqëror koherent dhe të qëndrueshëm duke koordinuar angazhimet dhe unifikuar politikat, buxhetet dhe kapacitetet në Nivel Kombëtar.

I pranishëm në Konferencën Kombëtare “Impakti i Mirëqenies sociale-Për një shoqëri që siguron shërbime sociale për çdo qytetar”, ishte dhe kryeministri Rama, Kryetari i Bashkisë Erion Veliaj, Ministri i Mirëqenies Sociale Blendi Klosi si dhe ambasadorët e vendeve mbështetëse të reformës së shërbimeve.

Në fjalën përshëndetëse, Kryetari i Bashkisë së Tiranës Erion Veliaj vlerësoi reformën e ndërmarrë gjatë këtyre viteve në shërbim të njerëzve në nevojë. Duke u ndalur  te punësimi, Veliaj theksoi se ndryshe nga qeverisja e shkuar ku zyrat e punës ishin selitë e partive politike, tashmë ato janë  funksionale dhe në shërbim të atyre që vërtet kanë nevojë. “Zyra e punës në Shqipëri ishte zyra e punës e partisë në koalicion me seli të madhe në qendër të Tiranës, e partisë që të shpërblente me mënyrën se si ishe sjellë në fushatë , ishte një shaka e madhe të flisje për zyra pune. Zyrat e punës që unë gjeta ishin në fakt apartamente të marra me qira në shokët e ministrit. Ja ku jemi sot, Kemi të hapura sot 105 kantiere, rreth 10 mijë veta të punësuar shumica prej tyre nga zyrat e punës”, tha Veliaj.

Kreu i Bashkisë u bëri thirrje kolegëve të tij që drejtojnë njësitë vendore për të marrë një rol më të madh për administrimin e zyrave të punës. Veliaj theksoi se duhet të punohet me bizneset për të punësuar njerëz në bashkëpunim me zyrat e punës.

“Për ne si kryetar bashkish duhet të marrim një rol më të madh, nuk duhet të vazhdojmë prej qeverisë që të administrojë zyrat e punës. Ne vetë duhet të merremi më shumë së pari me kantieret që hapin vetë ku zyrat e punës duhet të jenë stacioni i parë dhe së dyti me të gjithë bizneset në zonë, që ne do ju japim gjithë mbështetjen, por ju duhet të vini të merrni njerëz nga zyrat e punës”, tha ai.

Kreu i Bashkisë komentoi dhe çështjen e shpërndarjes së dëmshpërblimit për ish të përndjekurit politikë, duke thënë se ndryshe nga qeverisja e djathtë që I harroi, qeverisja socialiste ishte ajo që pagoi shtatë këste.

“Sot diskutohet mbarimi i këstit të shtatë dhe fillimi i këstit të tetë. Unë besoj se në fund të ditës një njeri duhet të bëjë një balancë e të thotë ku ishim dhe ku jemi. Socialistët hapën dosjet dhe socialistët japin para. Besoj se i bën nder të parë besimi te solidariteti,një shtet social  që nuk i lë të dobëtit pavarësisht arsyeve politike apo historike që mund ta kenë sjellë situatën në atë nivel”, theksoi Veliaj.

/Agjensia e Lajmeve Sot News/

Na Beni Like Ne Facebook: 
Total votes: 1

Lajme nga e njejta kategori

Postuar: 17/11/2017 - 22:52

Projekti 1 miliard i qeverisë Rama sipas Koço Kokëdhimës është një lloj fajde. Në studion e "Ekopolitike" me Aurora Sulçen, Kokedhima tha se ky projekt është borxh i pastër që do shlyhet në disa vite.

Postuar: 17/11/2017 - 21:45

Operacioni i Pastrimit të Shqipërisë do të nisë në 24 nëntor dhe do të përfundojë në 24 maj të 2018.

Postuar: 17/11/2017 - 21:19

Ish-ministri i Brendshëm Saimir Tahiri ka udhëtuar jashtë vendit për arsye familjare.

Postuar: 17/11/2017 - 21:16

Ish-ministri i Brendshëm Saimir Tahiri, person nën hetim nga prokuroria, ka udhëtuar këtë të premte drejt Gjermanisë, vend anëtar i hapësirës Shengen.

Postuar: 17/11/2017 - 20:54

Ministri i Brendshëm Fatmir Xhafaj ka zhvilluar një takim pune prej dy orësh me drejtuesit e policisë së Elbasanit.

Postuar: 17/11/2017 - 20:48

Qeveria ka negociuar me me TAP për të ndërtuar nga ae para ujësjellësin e Mbrostarit, në Fier.

Postuar: 17/11/2017 - 20:17

Ditën e sotme u çelën në Tiranë punimet për takimin tre-ditor me Ambasadorët e Shqipërisë në botë për “Ridimensionimin e Diplomacisë Ekonomike Shqiptare: Sfida dhe Mundësi