Pamje të rënda/ Dhunohet brutalisht në kopësht fëmija 3 vjeçar nga edukatoret dhe kuzhinierja (Video)

Në një kopësht një fëmijë tre vjeçar është dhunuar keq nga dy edukatore dhe një kuzhiniere.

Raporothet se ngjarja ka ndodhur në Fushë Kosovë dhe një video e publikuar nga daja e të miturit, Fatos Geci, i cili ka zbuluar skandalin që ndodh brenda ambjenteve të edukimit të fëmijëve.

“Të nderuar media dhe prindër! Dua të ndaj me ju diçka të tmerrshme që sapo ka ndodhur në Fushë-Kosovë, në çerdhen shtetërore të fëmijëve ‘Gëzimi ynë’, është rrahur brutalisht nipi im i preferuar Lisi, vetëm 3 vjeç. Shikoni kamerat ku shihet qarte që po rrihet në derë pastaj tërhiqet zvarre, më pas e dërgojnë përsëri në një dhomë pa kamera dhe e rrahin pa mëshirë të 2 “mësueset” e kësaj çerdheje bashkë me pastruesen apo kuzhinieren! Nipi im ka pësuar trauma të rënda psikike dhe nuk mund të flejë më, nipi po përjeton një ankth të madh. Kërkoj nga organet e drejtësisë të bëjnë punën e tyre. Idioteve dhe mostrave të tilla duhet t’i jepet fund një herë e përgjithmonë. Le të jetë rasti i fundit i dhunës ndaj fëmijëve. Dhunueset e tilla nuk e kanë vendin në arsim”, ka shkruar ai bashkëngjitur videos.