BREAKING NEWS

Berisha e Meta në unison kundër bashkëqeverisjes PS-PD, mesazhe e paralajmërime Bashës të refuzojë ofertën e Ramës

Berisha e Meta në unison kundër bashkëqeverisjes PS-PD, mesazhe e
x

Politike

Paralajmëroi dosje kundër Ramës, por Kryemadhi përfundon te Lefter Koka, ish-ministri i përgjigjet dhe i kujton 25 prillin “llogaritares Mona”

Paralajmëroi dosje kundër Ramës, por Kryemadhi përfundon te

Kryetarja e Lëvizjes Socialiste për Integrim, Monika Kryemadhi ka publikuar dje dosjen e paralajmëruar 2 ditë më parë kundër kryeministrit Edi Rama. Teksa të gjithë po prisnin për skandale që do të tronditnin politikën, Kryemadhi është rikthyer tek koncesioni për landfillin e Tiranës. Po ashtu priteshin fakte kundër kryeministrit, por në fakt trageti i sulmit ishte Lefter Koka, ish-ministri i LSI. Kryemadhi u shpreh se ka disa arsye ligjore dhe financiare që projekte të tilla nuk duhet të ishin zhvilluar. Ajo e quajti procedurën e këtij koncesioni, një aferë politike me një skemë mafioze.“Projekt-aktit të paragrafit të fundit në pikën 9 jeni shprehur se vetë procedura koncesionare, nëse do të ketë një kontratë të lidhur, nuk do të ketë efekte shtesë në buxhetin e shtetit, pasi kemi të bëjmë me një investim privat. Pra, do të thotë që ky jo vetëm që s’do të merrte para nga shteti, por do ti jepte para shtetit. Pra, këto që thamë deri tani janë arsyet ligjore dhe financiare se përse ky projekt nuk duhet të zhvillohej dhe vërteton që është qartas një aferë korruptive, me një skemë mafioze”, tha Kryemadhi. Kryetarja e LSI akuzoi ish-ministrin Lefter Koka se ishte treguar mjaft i zellshëm në miratimin në kohë rekord të procedurave për koncesionin e Landfillit të Tiranës. Kryemadhi e dorëzoi këtë çështje në SPAK duke lajmëruar se do të ketë dhe dokumente të tjera që lidhem me afera korruptive kundër kryeministrit Edi Rama. Sipas saj me dokumentet të cilat vetëm ajo ka, Rama dhe qeverisja e tij do të vendosen para drejtësisë. “Përsëri z. Lefter Koka vazhdon me një vullnet të paparë për të dërguar letër më datë 1 shkurt të 2017-s Ministrisë së Financave për miratimin financiar të këtij studimi fizibiliteti, ku të mos harrojmë që kërkon pjesën e pagesës për mbetjet dhe tashmë e ndërron pra nuk kërkon më nga buxheti i shtetit. Unë sot do t’ia drejtoj Prokurorisë së Krimeve të Rënda, SPAK-ut, dhe shpresoj që dinjitetin e këtij institucioni ta shikoj në vazhdim. Do t’ju kërkoja pak durim, çdo dokument është i faktuar dhe e kanë kapur “shah mat” Edi Ramën me qeverisjen e tij dhe të gjithë piruetet që ai ka ndërtuar në qeverisje, nuk kanë më shans të rrotullohen, por vetëm të përballen përpara drejtësisë”, tha ajo.

Reagon Koka

Ish-ministri i LSI-së, Lefter Koka reagoi me akuza të forta ndaj Kryemadhit pas konferencës së saj për shtyp ku publikoi dokumentet e miratimit të koncesionit për Landfillin e Tiranës. Me anë të një reagimi në Facebook, Koka e quajti Kryemadhin një llogaritare të thjeshtë, e cila sipas tij konfirmoi se qeveria shqiptare e kohës kishte kapacitete të ndjekë e zbatojë procedura sipas standardeve ndërkombëtare. Koka u shpreh se Kryemadhi s’di çfarë flet teksa e paralajmëroi atë se 25 Prilli do të vijë furishëm për LSI-në. “Falënderoj thellësisht llogaritare Monën (e cila në fakt nuk kupton se çfarë foli) që me letra dhe fakte i tregoi publikut dhe çdo shqiptari, se qeveria shqiptare ka çdo kapacitet dhe aftësi të ndjekë e zbatojë me rigorozitet procedura sipas manualeve dhe standardeve ndërkombëtare! E dashur llogaritare Mona! Mos u bezdis! 25 prilli do të vijë më shpejt dhe më furishëm nga sa ju pandehni”, tha Koka.

Më të lexuarat