Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Pas SHISH, ndryshime dhe në krye të Shërbimit Informativ Ushtarak, Xhaçka propozon emërimin e Bardhyl Nuredinajt

Postuar: 15/11/2017 - 08:03

Shërbimet kryesore informative në vend janë përfshirë nga ndryshime të forta. Visho Ajazi Lika dha dorëheqjen nga drejtimi i Shërbimit Informativ Shtetëror. Mirëpo ndryshime do të ketë dhe në Shërbimi Informativ të Ushtrisë, i njohur zyrtarisht si Agjencia e Inteligjencës dhe të Sigurisë së Mbrojtjes. Ministrja e Mbrojtjes Olta Xhaçka ka firmosur urdhrin që emëron në krye të inteligjencës së ushtrisë kolonel Bardhyl Nuredinaj, i cili më parë ka qenë komandant në Qendrën e Personel Rekrutimit të Forcave të armatosura. Kolonel Nuredinaj i merr zyrtarisht funksionet e kreut të AISM-së ditën e mërkurë, më 15 nëntor, mesa duket edhe pas dakordësimit me aleatët. Me ndryshimin e ligjit në vitin 2014 shefi i AISM-së nuk emërohet dhe as shkarkohet më me dekret të presidentit, por ky atribut i takon vetëm ministrit të Mbrojtjes, ndërkohë që e paqartë është se çdo të ndodhë me SHISH-in. “1. Drejtori i Përgjithshëm i Agjencisë së Inteligjencës dhe Sigurisë së Mbrojtjes është autoriteti më i lartë drejtues dhe përgjegjës për veprimtarinë e institucionit. 2. Drejtori i Përgjithshëm i Agjencisë së Inteligjencës dhe Sigurisë së Mbrojtjes këshillon Ministrin e Mbrojtjes dhe Shefin e Shtabit të Përgjithshëm të Forcave të Armatosura për çështje të zbulimit, kundërzbulimit dhe sigurisë së mbrojtjes. 3. Drejtori i Përgjithshëm i Agjencisë së Inteligjencës dhe Sigurisë së Mbrojtjes është ushtarak aktiv. 4. Drejtori i Përgjithshëm i Agjencisë së Inteligjencës dhe Sigurisë së Mbrojtjes emërohet, lirohet ose shkarkohet nga detyra nga Ministri i Mbrojtjes. 5. Drejtori i Përgjithshëm i Agjencisë së Inteligjencës dhe Sigurisë së Mbrojtjes është autoriteti që përfaqëson strukturat e inteligjencës ushtarake shqiptare në marrëdhëniet me institucionet brenda vendit, NATO-n, BE-në dhe organizmat e tjerë ndërkombëtarë”, thuhet në nenin 9 të ligjit. Më tej deklarohet se ministri i Mbrojtjes është autoriteti më i lartë përgjegjës për veprimtarinë e Agjencisë së Inteligjencës dhe Sigurisë së Mbrojtjes. Ministri i Mbrojtjes raporton para Kryeministrit për drejtimin dhe zbatimin e politikave shtetërore në Agjencinë e Inteligjencës dhe Sigurisë së Mbrojtjes.

/Agjensia e Lajmeve Sot News/

Na Beni Like Ne Facebook: 
Total votes: 39

Lajme nga e njejta kategori

Postuar: 15/12/2018 - 22:32

Sekretari i Përgjithshëm i Prefekturës së Fierit, Vasil Ndreko ishte një ndër emrat kandidat për Këshillin Kombëtar të PD, por pa dëshirën dhe dijeninë e tij. 

Postuar: 15/12/2018 - 21:51

Pasi kryetari i Bashkisë së Tiranës Erion Veliaj reagoi nga Londra për protestën e studentëve, ka

Postuar: 15/12/2018 - 21:42

Ish-deputetja e Partisë Demokratike, Majlinda Bregu, ka dhënë sot një mesazh të koduar.

Postuar: 15/12/2018 - 21:15

Ish-deputeti dhe ish-ministri i PD, Arben Imami ka folur në lidhje me situatën politike në Shqipë

Postuar: 15/12/2018 - 20:13

Sot në Kuvendin Kombëtar të Partisë Demokratike ka patur reagime të shumta, pro dhe kundër.

Postuar: 15/12/2018 - 20:02

Valbona Mezini ka komentuar dorëheqjen e saj nga Këshilli Kombëtar i PD-së

Postuar: 15/12/2018 - 19:53

Ndër anëtarët e propozuar për Këshillin Kombëtar të PD-së që dha dorëheqjen ishte dhe Valbona Mez