Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

PD akuza qeverisë për futjen në punë të militantëve në Albpetrol, MIE hedh poshtë pretendimet

Postuar: 11/09/2018 - 08:16

 Partia Demokratike dhe qeveria u përplasën dje me njëra-tjetrën në distancë. Fillimisht ishte deputeti i PD, Luan Baçi, ai i cili në një deklaratë për mediat, akuzoi qeverinë se po largon nga puna njerëzit e aftë për të punësuar njerëzit e partisë. Si rast referimi ai mori kompaninë Albpetrol. “Qeveria nuk ndalet në rrugën për shkatërrimin e jetës së shqiptarëve. Nuk ndalet në shkatërrimin e çdo gjëje, që ka të bëj me pasurimin e oligarkëve, që janë të lidhur me ta dhe mbushjen e xhepave të tyre. Këtë e tregon dhe mënyra se si po veprojnë me Albpetrolin, nuk ndalen deri në copëtimin dhe shfrytëzimin e plotë të tij. Prej kohësh ne Albpetrol pushohen profesionistë dhe rekrutohen militantë dhe fanatikë të Rilindjes”, tha ai. Në vijim Baçi u ndal edhe tek statusi i naftëtarëve. Sipas tij, kërkesat e tyre po bien në vesh të shurdhër. E menjëhershme ishte edhe kundërpërgjigja e Ministrisë së Infrastrukturës dhe Energjisë, e cila në një postim në rrjetet sociale hodhi poshtë pretendimet e PD. “Shoqëria, Albpetrol sh.a ka hyrë në fazën e ristrukturimit, një proces i nisur në Janar 2018 dhe që ka si synim përmirësimin e treguesve të punës dhe treguesve ekonomiko financiar të shoqërisë. Ky proces, për herë të parë, është kryer në një transparencë të plotë dhe me pjesëmarrjen e të gjitha strukturave. Një komision i posaçëm i përbërë nga administrata e shoqërisë dhe përfaqësuesit e Sindikatës ka shqyrtuar strukturën organizative të shoqërisë, performancën personale të punës të punonjësve dhe ka përcaktuar kriteret e ristrukturimit bazuar në: Arsimimin; Kualifikimin profesional; Vjetërsinë në punë në Industrinë e Naftës. Madje, një kriter i veçantë ka qenë që asnjë i përndjekur politik, ose familjarë të të përndjekurve politikë, të mos preken nga ristrukturimi. Në përfundim të procesit të ristrukturimit të shoqërisë, Albpetrol sh.a ka trajtuar financiarisht 459 punonjës të cilët janë larguar nga puna. Gjatë kësaj periudhe, Albpetrol sh.a nuk ka punësuar asnjë person të ri në punë. Madje edhe nëse do të hapen vende të reja pune, prioritet do të kenë punonjësit e prekur nga procesi i ristrukturimit”, thuhet në reagimin e ministrisë.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 20/02/2019 - 15:00

Pas dështimit të protestës së dhunshme para Kryeministrisë, opozita ka paralajmëruar një tjetër protestë, por kësaj radhe para godinës së Parlamentit ku mbahet si çdo të enjte seanca plenare.

Postuar: 20/02/2019 - 14:14

Kryetari i Parlamentit, Gramoz Ruçi pritet të japë një deklaratë ditën e sotme në orën 17.00 në k

Postuar: 20/02/2019 - 14:11

Lidhur me lajmin e publikuar në disa media se Paloka dhe Strazimiri po përgatisin një grup të gat

Postuar: 20/02/2019 - 13:44

Ministrja Etilda Gjonaj bëri me dije përmes një deklaratë se Ministria e Drejtësisë do vijojë të

Postuar: 20/02/2019 - 13:34

Vendimi i deputetit të LSI, Lefter Koka ishte i papritur dhe ngjalli shumë reagime nga figura të

Postuar: 20/02/2019 - 13:33

Në një konferencë për shtyp ministrja e Drejtësisë ka kërkuar hetim për gjyqtarin që i dha lirinë

Postuar: 20/02/2019 - 13:16

Deputeti Gent Strazimiri ka reaguar pas lajmeve të postuara në disa media, se ai po bën gati disa