Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

PD ankohet tek ndërkombëtarët për zgjedhjet e 30 qershorit, dërgon raport me 56 faqe kundër procesit

Postuar: 12/09/2019 - 07:40

Partia Demokratike është ankuar tek faktori ndërkombëtar për zgjedhjet e 30 qershorit. Demokratët kanë dërguar një raport me 56 faqe, ku kanë dhënë raste e shembuj që sipas tyre, tregojnë se ky proces ishte farsë e antidemokratik. Raporti i tyre mban datën 19 gusht dhe në të përforcohen konstatimet e raportit final të OSBE/OHDIR. Një kapitull i plotë, ai numër 4, i dedikohet denoncimit ndërkombëtarisht të manipulimit të procesit përmes numërimit të votave. Përgjimet e “Bild” dhe zyrtarët socialistë të akuzuar për vjedhje votash janë pjesë e raportit të opozitës jashtëparlamentare. Por, ky nuk është fenomeni i vetëm i konstatuar nga demokratët. Një ndër to është edhe një komunikim i brendshëm që PD pretendon se është zhvilluar nga punonjës të Policisë Bashkiake të Tiranës ku theksohet se do i kontrollohen gishtat kush nuk ka votuar. Pikë e raportit të opozitës jashtë parlamentare janë edhe 4 anëtarët e mazhorancës në KQZ dhe shkeljet e pretenduara prej tyre. Demokratët vëmendje kryesore në raportin e tyre iu japin edhe dekreteve presidenciale që sipas tyre nuk janë zbatuar nga mazhoranca. Në këtë pikë, Partia Demokratike pretendon se zgjedhjet e zhvilluara në 30 qershor ishin antikushtetuese sepse vetë presidenti i anuloi ato me dekret. Kujtojmë që pak ditë më parë OSBE-ODHIR publikoi raportin final për këtë proces zgjedhor. Sipas raportit, 30 qershori ishte paqësor, por theksohet se në 31 bashki të vendit nuk kishte asnjë alternativë zgjedhjeje. “Zgjedhjet lokale të 30 qershorit u mbajtën me pak kujdes për interesat e elektoratit. Opozita vendosi të mos marrë pjesë, dhe qeveria vendosi të zhvillojë zgjedhjet pa të. Në klimën e një bllokimi politik dhe polarizimi, votuesit nuk kishin një zgjedhje kuptimplotë midis opsioneve politike. Në 31nga 61 bashkitë kandidatët për kryetarë komunalë u treguan të padenjë. Kishte pretendime të besueshme për qytetarët që po bënin presion nga të dy palët. Përballja politike çoi në pasiguri ligjore, dhe shumë vendime të administratës zgjedhore u morën me objektivin politik për të siguruar zhvillimin e zgjedhjeve. Votimi u zhvillua në një mënyrë përgjithësisht paqësore dhe të rregullt dhe numërimi u vlerësua pozitivisht në përgjithësi, megjithëse disa procedura nuk ishin ndjekur gjithmonë si duhet”, thuhet në raport.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 19/09/2019 - 23:50

Orët e gjatë të pritjes për vendimin e Gjykatës së Krimeve të Rënda e kanë shoqëruar me ankth pritjen e ish-ministrit Saimir Tahiri.

Postuar: 19/09/2019 - 23:05

Teksa Bundestagu gjerman pritet të bëjë publik vendimin e tij për hapjen e negociatave të Shqip

Postuar: 19/09/2019 - 22:58

3 vite shërbim prove caktoi Gjykata e Krimeve të Rënda për Saimir Tahirin, ish-ministër i Brendsh

Postuar: 19/09/2019 - 22:47

Ndërkohë që u dha vendimi për ish-ministrin Tahiri me 5 vite burg por që do të jetë për 3 vi

Postuar: 19/09/2019 - 22:37

 Pas dënimit të dhënë nga Krimet e Rënda për të dënuar me 5 vite burg ish ministrin e Brends

Postuar: 19/09/2019 - 22:31

Kreu i PD-së ka reaguar pas vendimit Gjykatës për Saimir Tahirin.

Postuar: 19/09/2019 - 22:22

Disa herë ish-ministri i Brendshëm Saimir Tahiri i ka këshilluar gazetarët të ruhen nga kushërinj