“PD do bashkohet dhe do ta rrëzojë Ramën”/ Berisha i vendosur zbardh skenarin më të fundit dhe bën thirrjen e fuqishme: Po vjen koha që…

Kryetari i Partisë Demokratike, Sali Berisha u shpreh i bindur se opozita do të bashkohet dhe e bashkuar do të rrëzojë Ramën nga qeveria.

Nga takimi me banorët e Memaliajt, Berisha bëri thirrje për protesta të fuqishme, me qëllim largimin e Edi Ramës nga pushteti.

“Të ngrihemi të bëjmë gjithçka për një fitore të thellë në këto zgjedhje, të bëjmë gjithçka që me protesta të fuqishme t’i japim duart kësaj qeveria e cila ju garantoj  se në 100 vitet e fundit nuk ka vjedhur kurrë një qeveri sic vjedh kjo shqiptarët.

Unë ju siguroj ju, se pavarësisht kushtet dhe rrethanave PD dhe opozita shqiptare do bashkohet dhe e bashkuar do të nxjerrë nga pushteti Ramën dhe klikën e tij.

Po ashtu, Berisha akuzoi kryetarin e grupit parlamentar të PS, Taulant Balla se mbron një nga anëtarët e bandës së Elbasanit, Gentian Sharrën. Ai u shpreh se Balla në Parlament është 5 herë më kriminel se Sharra.

“Përmendët Ballën dhe Spiropalin! Për atë zonjë nuk flas, por për taulantin po. Quhet një Gentian Sharra, një nga anëtarët e bandës së Elbasanit  që me qytë të revoles fiton tendera me ndihmën e Ballës. Taulanti në parlament është 5 herë më kriminel se Gentiani, sepse Gentiani po të mos kishte mbështetjen e Taulantit do ishte sot në burg ku e ka vendin. Koha po u vjen që të marrin përgjigje të gjithë”, tha Berisha.