BREAKING NEWS

Lajm fantastik nga spitalet COVID: Sot më shumë të shëruar se të prekur me koronavirus, ja 3 qytetet me numrin më të madh të infektimeve

Lajm fantastik nga spitalet COVID: Sot më shumë të shëruar
x

Politike

PD prezanton programin për energjinë, Basha: Do të zgjidhen problemet e përmbytjeve dhe riparimit të dëmeve nga tërmeti

PD prezanton programin për energjinë, Basha: Do të zgjidhen

Kreu i Partisë Demokratike, Lulzim Basha prezantoi dje programin e energjisë ku në fokus të tij është furnizimi, energjia hidrike, TEC-et dhe bashkimi i tregjeve Shqipëri-Kosovë. Basha u shpreh se do të ulet çmimi dhe do të rritet cilësia e karburantit si dhe do të hiqet taksa që kryeministri Edi Rama ka vendosur prej 240 lekë për litër karburanti. Kreu demokrat tha se do të nxitet fuqishëm prodhimi i energjisë me në fokus energjinë hidrike. Sipas tij edhe gazsjellësi TAP do të lidhet me TEC-in e Vlorës. “Ne do të ulim çmimin dhe do të rrisim cilësinë e karburantit për qytetarët ku veçoj heqjen e taksës Rama prej 240 lekë për litër karburanti dhe duke çmontuar monopolet që ekzistojnë sot. Ne do të nxisim fuqishëm prodhimin e energjisë nga burime të gjelbërt me fokus energjinë hidrike dhe atë të erës. Do të nxisim ndërtimin e kapaciteteve të reja të mëdha si energji të pastër në bazë, ndërsa rezervat hidrike të KESH do t`i përdorim për energjinë e balancimit apo energjinë në pik. Ne do të lidhim gazsjellësin TAP me TEC-in e Vlorës”, u shpreh Basha. Ai tha se do të ndodhë bashkimi i tregjeve Shqipëri-Kosovë duke kombinuar prodhimin nga TEC-et në Kosovë si energji bazë ndërsa energjia e vendit tonë për të përmbushur kërkesat. Basha u shpreh se do të marrin fund pagesat korruptive dhe pas zgjedhjeve PD do të fokusohet në 2 detyra kryesore. Detyra e parë është zgjidhja e problemeve të përmbytjeve ndërsa detyra e dytë përfundimi i riparimit të gjitha dëmeve nga tërmeti. Kreu i PD tha se të gjitha këto do të largohen vetëm duke larguar Ramën, kështu sipas tij vendi do të bëhet më mirë. “Unë angazhohem për bashkimin e tregjeve të energjisë me Kosovën duke kombinuar prodhimin nga TEC-et në Kosovë për energji elektrike bazë ndërsa ajo e prodhuar në Shqipëri do të përdoret për të mbuluar kërkesën. Do të marrin fund pagesat korruptive që i kërkohen investitorëve nga administrata. Pas zgjedhjeve, do të përqendroj të gjithë fuqinë e shtetit në dy detyra kryesore: zgjidhja e problemeve të përmbytjeve dhe përfundimi me shpejtësi i riparimit dhe rehabilitimit të gjitha dëmeve të tërmetit. Të gjitha këto mund dhe do të arrihen duke larguar Ramën. Bashkë do të sjellim ndryshim dhe do ta bëjmë një vend tonë më të mirë për të jetuar”, tha ai.

Më të lexuarat