“Për ne Sali Berisha nuk ekziston”, Taulant Balla zbulon vendimin e prerë të PS-së për ish-kryeministrin

Kreu i grupit parlamentar socialist, Taulant Balla theksoi sërish sot se me ish-kryeministrin Sali Berisha nuk do të ketë asnjëherë negociata për ndonjë çështje.

Balla mbajti një prononcim për gazetarët lidhur me zgjedhjen e Presidentit të ri. Edhe njëherë, ai tha se do zhvillohen negociata me kryetarët e grupeve parlamentare të opozitës dhe shtoi se nuk njeh ndonjë grup parlamentar të quajtur Komisioni i Rithemelimit.

“Me Berishën s’ka dhe s’do ketë negociata për asgjë. Për ne Berisha s’ekziston dhe me dikë që s’ekziston s’ka negociata. Në Kuvend rezultojnë të depozituara tre grupe nga opozita me drejtues zotin Alibeaj, zotin Mediu dhe zonjën Doda”, tha Balla.