Përfaqësuesi ligjor i PD zyrtare: Gjykata nuk e njeh Berishën, KQZ do regjistrojë anëtarët e Alibeajt për KZAZ

“Lufta” mes dy grupeve brenda Partisë Demokratike tashmë është zhvendosur në Komisionin Qendror të Zgjedhjeve, ku janë dorëzuar 2 lista me anëtarë të depozituar nën emrin e Partisë më të madhe opozitare në vend, por me dy vula dhe dy firma të ndryshme për zgjedhjet vendore të 14 majit. Përfaqësuesi ligjor i Partisë Demokratike zyrtare, Besart Logu foli për këtë çështje dje në media, teksa theksoi se KQZ do të regjistrojë anëtarët e KZAZ-së që janë dorëzuar nga Enklejed Alibeaj, pasi logon dhe vulën e Berishës nuk e njeh asnjë institucion.  “KQZ duhet ti referohet kodit zgjedhur, bën parashikimin e ka shumë të saktë. Për regjistrimin subjekteve zgjedhore duhet të plotësohet një listë me dok, duhet një vërtetim nga gjykata e Tiranës se cili është kryetari i partisë dhe organet qendrore. Nga ana e PD janë plotësuar dokumentacionet, vazhdon konflikti se Berisha vazhdon me narrativen se ne jemi PD. Është e vetmja mundësi që ti mbajë pranë ndjekësit e tij. Jemi para një fakt që asnjë institucion nuk e njeh Berishën si kreun e PD, as kuvendi, as gjykata”, deklaroi Logu.Megjithatë mbetet për t’u parë nëse Ilirjan Celibashi do të veprojë njësoj si në zgjedhjet e pjesshme vendore të 6 marsit, kur i mbylli derën Sali Berishës pasi mori vendimin që të njihte përfaqësuesit ligjorë të Lulzim Bashës. Kjo detyroi Berishën që të bashkëpunonte me LSI-PDK, të cilët krijuan koalicionin "Shtëpia e Lirisë" dhe futën në garë kandidatët e zgjedhur nga ish kryeministri.Deri më tani, në gjykatën e Tiranës rezulton ende kryetar Lulzim Basha që dha dorëheqjen, ndërsa vendimi që pritet të ndajë përfundimisht se kush e ka drejtimin e partisë mes kryetarit të komanduar Alibeaj dhe Berishës, është ai i Apelit që deri më tani është shtyrë disa herë.