Përloti Kuvendin me fjalimin e saj, Rigerta Loku del me thirrjen e fortë për zgjedhjet e 25 prillit: Ne jemi njerëz pastaj jemi parti!

Rigerta Loku njihet nga të gjithë si deputetja që përloti Kuvendin me fjalimin e saj. Ajo do të kandidojë në zgjedhjet e 25 prillit nën siglën e partisë Nisma Thurje të Rudina Hajdarit.

Rigerta Loku ka kërkuar besimin e qytetarëve për të ndryshuar gjakun politik, pasi njerëzit kanë nevojë për qasje dhe propozimeve të reja.

E ftuar në emisionin ‘Ditari’ ajo theksoi se janë përqendruar te elektorati gri dhe ata që kanë humbur besimin te politika e vjetër.

“Njerëzit kanë nevojë për qasje të re e propozime të reja. Për 30 vjet ka rrotacion është proces historik që e reja të përfshihet në politikë dhe jam shumë e hapur. Krijimi i partive të reja dhe njerëzit të japin ndikimin e tyre në jetën shqiptare. U drejtohem atyre që kanë humbur besimin. Të votohet e reja, të na jepet mundësia për të shkuar përpara. Jemi përqendruar tek elektorati gri Nuk kam eksperiencën e partitë e mëdha por risinë.  Diçka e re duhet të futet në parlament dhe gjaku i politikës duhet të ndryshojë. Unë kam zgjedhur Nismën Thurje se ishte e reja, kam zgjedhur dhe ftoj këdo që ka dëshirë të shohë sesi funksionon. Ne jemi shumë të hapur”.

Kandidatja e Nismës thurje për qarkun e Lezhës theksoi se partia që ajo përfaqëson ka në qendër individin dhe jo partinë, sikurse edhe meritokracinë.

“Në Qarkun Lezhë, nisma Thurje nuk e vë partinë para individit. Ne jemi njerëz pastaj jemi parti dhe kjo nuk ka të bëjë fare me partitë e vjetra. Nuk jemi të indoktrinuar në ato dogma  të vjetra politike. Çdo gjë i duhet lënë kohës, partitë e vjetra aty kanë qenë dhe janë dhe të gjithë këta njerëz kanë po të njëjtët njerëz dhe njerëzit të votojnë njeriun individin, partia qëndron pas individit. Duhen të rrinë në vendin e punës ata që e meritojnë”, u shpreh Loku.