“Personi nën hetim nuk mund të vendoset në masë sigurie”, ish-ministri i Ramës shpërthen ndaj SPAK: Masat që jep janë anti-ligjore

Ish-ministri i drejtësisë, Ylli Manjani ka komentuar masat e sigurisë që jep Gjykata e Posaçme e Shkallës së Parë për Korrupsionin dhe Krimin e Organizuar. Ai  është shprehur se të gjitha masat e sigurisë që SPAK ka dhënë për persona nën hetim janë të paligjshme.

Sipas tij, për personat që janë hetim nuk jepet masë sigurie e tillë, por SPAK i ka dhënë dhe për juristin këtu kemi të bëjmë me një problem shumë të madh demokratik dhe kushtetues.

“Të gjitha masat e sigurisë të SPAK janë të sforcuara ligjërisht, kjo për shkak të një mentaliteti, burg, burg, burg, dhe ju e dini nga vijnë këto thirrje. Persona me status nën hetim, jo të pandehur, jo nën akuzë, që do të thotë jo me prova bindëse, mbahen në burg.

Ky është standard i papranueshëm, askund nuk do ta gjeni këtë standard. Personi nën hetim nuk mund të vendoset në masë sigurie. Është një fazë e hershme hetimi. Nëse 98% e masave të sigurisë që ka dhënë SPAK për persona nën hetim, këtu kemi një problem shumë të madh demokratik, kushtetues, ligjor”, tha Ylli Manjani